कैलाली कारागारमा झडपमा मारिएका चौधरीको परिवारलाई सुदुरपश्चिम सरकारले ५ लाख दिने

सुदूरपश्चिम प्रदेश सरकारले कैलाली कारागारमा कैदीबन्दीको झडपमा  मृत्यु भएका भरत चौधरीको परिवारलाई पाँच लाख सहयोग गर्ने भएको छ ।

मुख्यमन्त्री कमलबहादुर शाहको उपस्थितिमा बसेको  सुरक्षा समितिको बैठकले चौधरीको परिवारलाई पाँच लाख सहयोग उपलब्ध गराउने निर्णय गरेको आन्तरिक मामिला तथा कानुन मन्त्रालयले जनाएको  छ ।

कैलाली कारागारमा गत शुक्रवार राति कैदीबन्दीबीच भएको झडपमा धनगढी ४ का भरत चौधरीको मृत्यु भएको थियो भने ४९ जना घाइते भएका थिए ।

बैठकले कैलाली कारागारका कैदीबन्दीबीच भएको झडपका क्रममा घाइते भएकालाई सरकारी खर्चमा उपचारको व्यवस्था मिलाउने निर्णय गरेको आन्तरिक मामिला तथा कानुन मन्त्रालयद्धारा जारी विज्ञप्तिमा उल्लेख छ ।