कैलाली कारागाकार घाइतेहरुको स्थानान्तरण गरिदै

धनगढी  ।  कैलाली कारागारमा भएको झडपमा घाइते भएका कैदी बन्दीरुलाइ मागेकै जिल्लाका कारागारमा स्थानान्तरण गरिने भएको छ ।

कैदी बन्दीको सहज व्यवस्थापन र  घाइतेहरुको सहजताका लागि उनीहरुले मागेको जिल्लाका कारागारमा स्थानान्तरण गरेर व्यवस्थापनको काम भैरहेको जिल्ला प्रशासन कार्यालय कैलालीका प्रशासकीय अधिकृत शिवराज जोशीले बताए ।

प्रशासकीय अधिकृत शिवराज जोशीका अनुसार कारागार झडपमा घाइते भएकाहरु उपचार गरी अस्पतालबाट फर्किए पनि थप समय स्वास्थ्यलाभ गर्नुपर्ने भएकोले तत्कालका लागि कैदीबन्दीले रोजे अनुसार अन्य कारागारमा पठाएर व्यवस्थापन गर्ने काम भइरहेकोे छ  । “डिस्चार्ज भए पनि उहाँहरूलाई स्वास्थ्यलाभ गर्न थप समय चाहिने भएकाले त्यस पक्षलाई ध्यान दिएर तत्कालका लागि रोजेको कारागारमा पठाएर व्यवस्थापन गरिरहेका छौँ । ” प्रशासकीय अधिकृत जोशीले भने “कतिपयलाई कञ्चनपुर र डडेल्धुरा कारागारमा पठाएर व्यवस्थापन गरिरहेका छौँ ।”

जोशीका अनुसार हालसम्म अस्पतालबाट उपचार गरेर फर्किएकामध्ये छ जनालाई अन्य जिल्लाका कारागारमा पठाइसकिएको छ ।