भन्सार छलीको  साढे दश लाखको औषधी सहित दुई जना पक्राउ

धनगढी । धनगढी उपमहानगपालिकाको मोतीचोक इलाकाबाट सशस्त्र प्रहरी बलले  भारतबाट भन्सार छलेर ल्याइएको दश लाख ६५ हजार मुल्यको औषधी बरामद गरेको छ ।  सशस्त्र प्रहरीले भन्सार छलेर  औषधी ल्याएको आरोपमा दुई जनालाई पक्राउ समेत गरेको छ ।

बिशेष सुचनाका आधारमा  सशस्त्र प्रहरी बल नेपाल ३४  नम्बर गण हे. क्वा.  कैलालीबाट खटिएको ९ जनाको गाडी मोवाईल टोलीले   सोमबार १ बजे  भन्सार छली नेपाल भित्रयाइरहेको अवस्थामा १० लाख ६५ हजार १ शय ८५ मुल्यका औषधी, औषधी बोक्न प्रयोग गरिएका मोटरसाइकल र दुई जनालाई पक्राउ गरिएको सशस्त्र प्रहरी बलले जनाएको छ ।

पक्राउ पर्नेमा कैलारी गाउपालिका ५ का ३०  बर्षीय को मनोज कुमार चौधरी र गौरीगंगा नपा १ उदासीपुरका २६ बर्षीये खेमराज चौधरी रहेका छन् ।

बरमद औषधी र उक्त औषधी बोक्न प्रयोग गरिएको १ वटा मोटरसाइकल, व्यक्ति र औषधीलाई  आवश्यक कारवाहीको लागि कैलाली भन्सार कार्यालय धनगढीमा बुझाएको छ ।