नेपाल वाल संगठनद्धारा वाढी पीडितलाई राहत हस्तान्तरण

धनगढी

  नेपाल वाल संगठन कैलालीले साउन १२ गतेको बाढीमा डुवानमा परेका कैलालीका पुर्वी क्षेत्रका बासिन्दालाई राहत सामाग्री वितरण गरेको छ ।

  १२ गतेको अबिरल बर्षा पछि डुबानमा परि खाधन्न लगायतका अन्य सामग्रीमा  क्षति पुगि विभिन्न स्थानमा अस्थायी रुपमा बसिरहेका टिकापुर नगरपालिका, भजनी नगरपालिका र  जोशीपुर गाउँपालिकाका बाढी पीडितलाई वाल संगठनले १ लाख बराबरको राहत सामाग्री बितरण गरेको हो ।

   दाल, साबुन र माक्स हस्तान्तरण गरिएको बाल सगठन कैलालीका अध्यक्ष भुवनेश्वर पन्तले जानकारी दिए । उक्त सामाग्री  टिकापुरमा उपमेयर केशरी बिष्ट , जोशीपुरमा गाउँपालिका अध्यक्ष र उपाध्यक्ष र भजनीमा नगरप्रमुख र उपप्रमुखलाई एक कार्यक्रमका बिच हस्तान्तरण गरिएको वाल संगठन धनगढीका सचिव नृप सुनारले जानकारी दिए ।

   हस्तान्तरण  कार्यक्रममा नेपाल बाल सगठन धनगढीका सचिब नृप सुनार, सदस्य रत्ना बिष्ट , टोपराज जोशी, सिताराम जोशी र नेत्रप्रसाद उपाध्यायको उपस्थिती रहेको  थियो ।