विप्लव नेतृत्वको नेकपाका नेता ओमप्रकाश पुन कारागार चलान

धनगढी

   विप्लव नेतृत्वको नेपाल कम्युनिष्ट पार्टीेका केन्द्रिय सदस्य तथा सेती महाकाली ईन्चार्ज ओमप्रकाश पुन कारागार चलान भएका छन् ।  असार ३१ गते श्रीमती सहित धनगढीको कनरीबाट पक्राउ परेका नेता पुन आज कारागार चलान भएका हुन ।

   जिल्ला अदालत कैलालीमा आज भएको थुनछेक बहसपछि पुनसँग ५० हजार धरौटी माग गरिएको र धरौटी नबुझाएपछि कारागार चलान गरिएको छ । ‘पुनलाई ५० हजार धरौटी तारेखमा छोड्ने आदेश भएको थियो’ अदालतका सूचना अधिकारी नरबहादुर नेगीले भने– ‘धरौटी नबुझाएपछि कारागार चलान हुनुभएको छ ।’

 जिल्ला प्रहरी कार्यालयको टोलीले असार ३१ गते कटुवा पेस्तोल र गोली सहित पुन र उनकी श्रीमती पूर्णिमा धामीलाई पक्राउ गरेको थियो ।