विद्यार्थी गुणीय चक्र सुदूरपश्चिम हबको दशौँ हब  कन्भेन्सन सम्पन्न

धनगढी । क्वेस्ट नेपाल अन्तर्गतको विद्यार्थी गुणीय चक्र ( एस क्यु सी) सुदूरपश्चिम हबको दशौँ हब  कन्भेन्सन शनिबार धनगढीमा सम्पन्न भएको छ ।

नन्दिनाज एकेडेमीमा भएको उक्त कार्यक्रममा कैलाली र कञ्चनपुर जिल्लाका १५ विद्यालयका १ शय २० विद्यार्थी (प्रस्तुतकर्ता र अवलोकनकर्ता), २५ जना शिक्षक, विभिन्न विद्यालयका प्राचार्य तथा प्रिन्सिपलहरु र शिक्षाविदहरूको उपस्थिति रहेको थियो ।

कार्यक्रममा विद्यार्थीहरूले ६ महिना लगाएर गरेको वास्तविक घटना समस्या वा अनुभव सम्बन्धी विस्तृत कार्य र अध्ययनको प्रतिवेदन प्रस्तुत गरेका थिए ।  शैक्षिक क्षेत्रमा उत्कृष्ट मानिने प्यानल डिस्कसनमा पनि सहभागी विद्यालयका विद्यार्थीहरूले सक्रिय सहभागिता जनाएका थिए ।

सो अवसरमा प्रमुख अतिथि शिक्षा विकास तथा समन्वय इकाई कैलालीका प्रमुख ईश्वरीप्रसाद ज्ञवालीले विद्यार्थी गुणीय चक्र (एस क्यु सी) सुदूरपश्चिममा नौलो भए पनि  यसलाई प्रदेशभरिमा बिस्तार गर्न आवश्यक रहेको बताए ।

विद्यार्थीलाई बिषयबस्तुको दिनु भन्दा पनि  मानवीय भावनायुक्त बनाउन बिद्यार्थी गुणीय चक्रले महत्वपुर्ण भुमिका निर्वाह गर्ने उल्लेख गर्दै ज्ञवालीले आफ्नो शैक्षिक एवं सामाजिक वातावरणभित्र देखिएका समस्याहरू पहिचान गरी तिनका मूल कारण विश्लेषण गर्न तथा व्यवहारिक समाधान खोज्न सशक्त बनाउने यो कार्यक्रमको  बिद्यालयहरमा आवश्यकता रहेको बताए ।

कैलाली जिल्लामा यो कार्यक्रम विस्तार मा आफूले सक्दो सहयोग गर्ने प्रतिबद्धता पनि ज्ञवालीले व्यक्त गरे ।

एस क्यु सी सुदूरपश्चिम हबका संयोजक दिपक भट्टको अध्यक्षता तथा आयोजक नन्दिनाज एकेडेमी धनगढीका कार्यकारी निर्देशक महेश बिष्टको सहअध्यक्षतामा भएको उक्त कार्यक्रममा आयोजक नन्दिनाज एकेडेमीका प्रिन्सिपल सन्जु आचार्यले स्वागत मन्तव्य र  एस क्यु सी  सुदूरपश्चिम हबको सदस्य विद्यालय एक्सिस विद्याश्रमका प्रिन्सिपल अनिता पन्तले शुभकामना मन्तव्य व्यक्त गरेका थिए । कार्यक्रमको संचालन एकक्युसी प्रशिक्षक नारायण ढकालले गरेका थिए ।