गौरीगंगा महोत्सव  माघ २३ देखि शुरु हुदै

कैलालीमा रहेको गौरीगंगा उद्योग वाणिज्य संघको आयोजनामा प्रथम गौरीगंगा महोत्सव २०८२ सम्बन्धी पत्रकार सम्मेलन म्पन्न भएको छ । आगामी माघ २०८२/१०/०२३ गते देखि फागुन ५ सम्म सञ्चालन हुने महोत्सवका उद्देश्य, तयारी अवस्था तथा कार्यक्रम संरचनाबारे जानकारी गराउने उद्देश्यले पत्रकार सम्मेलन आयोजना गरिएको हो ।

सम्मेलनमा महोत्सव मार्फत स्थानीय उद्योग, व्यापार, कृषि, पर्यटन तथा घरेलु उत्पादनको प्रवर्द्धन गर्दै आर्थिक गतिविधिलाई चलायमान बनाउने लक्ष्य लिइएको जानकारी गराइएको छ ।

 गौरीगंगा उद्योग वाणिज्य संघका पदाधिकारीहरूले महोत्सवले स्थानीय उद्यमी, व्यवसायी र सर्वसाधारणबीच आपसी सहकार्य र विश्वास बढाउने विश्वास व्यक्त गरे ।

 साथै सफल आयोजनाका लागि सञ्चारकर्मी, सरोकारवाला निकाय तथा सम्पूर्ण नगरवासीको साथ, सहयोग र सक्रिय सहभागिताको अपेक्षा गरिएको छ।प्रथम गौरीगंगा महोत्सव २०८२ गौरीगंगाको पहिचान, सम्भावना र समृद्धिको सन्देश बोकेको ऐतिहासिक उत्सव हुने आयोजकको दाबी छ ।