राष्ट्रिय सहकारी बैंकको संचालक सदस्यमा मनमोहन बिष्ट निर्वाचित

धनगढी । राष्ट्रिय सहकारी बैंक लिमिटेडको संचालक सदस्य (सुदुरपश्चिम प्रदेश) मा मन मोहन बिष्ट निर्विरोध निर्वाचित भएका छन् ।  बिष्ट निर्वाचित भएको औपचारिक घोषणा हुन बाकी छ । 

संचालक सदस्य (सुदुरपश्चिम) मा उम्मेदवारी दिएका दुई जनाले फिर्ता लिएपछि बिष्ट निर्विरोध निर्वाचत भएका हुन् ।  संचालकमा उम्मेदवारी दर्ता गरेका कैलालीको लम्कीका सुरेन्द्र बडुवाल र अछामका अमरनाथ न्यौपानेले उम्मेदवारी फिर्ता लिएका हुन् ।

बिष्ट संगम बचत तथा ऋण सहकारी संस्था लिमिटेड धनगढीका अध्यक्ष हुन् । 

राष्ट्रिय सहकारी बैंकको २२ औं साधारण सभाकै क्रममा नयाँ नेतृत्व चयनका लागि निर्वाचन प्रकृया जारी छ । गत बैशाख २८ गते उम्मेदावरी दर्ता भएको थियो भने जेठ ९ गते निर्वाचन हुनेछ ।