प्रेस स्वतन्त्रतामा अंकुश लगाउने प्रावधान सहितको मिडिया विधेयकको बिरोध

धनगढी

   सुदूरपश्चिम प्रदेश सरकारले ल्याएको मिडिया विधेयकको विरोधमा नेपाल प्रेस युनियन कैलाली शाखाले बुधवार सुदूरपश्चिम प्रदेश सभा अगाडी विरोध प्रदर्शन गरेको छ ।

   रेडियो, एफएम र टेलिभिजन प्रसारण सम्बन्धमा व्यवस्था गर्न सुदूरपश्चिम प्रदेश सरकारले ल्याएको विधेयकमा विरोध जनाउँदै प्रेस युनियनले प्रदर्शन गरेको हो ।  प्रदेश सरकारले आज प्रदेश सभाबाट पारित गरेको  मिडिया विधेयक मिडिया मैत्री र पत्रकार मैत्री नभएको नेपाल प्रेस युनियन कैलाली सभापति श्रवण देउवाले बताए ।

 सरकारले ल्याएको मिडिया विधेयक केही बुँदाहरू सच्चाउनु पर्ने नेपाल पत्रकार महासघ कैलालीका कोषाध्यक्ष हिमाल जोशीले बताए । मिडिया माथि हस्तक्षेप गर्दै प्रदेश सरकारले विधेयक पास गर्न लागेको भन्दै उनले आपत्ति जनाए ।

 प्रेस स्वतन्त्रता संविधानमा उल्लेख भए पनि प्रदेश सरकारले प्रेसलाई नियन्त्रण गर्नका लाई विधेयकमा केही बुँदाहरू समेटिएकाले ती बुँदाहरू सच्चाउनु पर्ने नेपाल पत्रकार महासघका कैलालीका पूर्व सभापति भरत शाहले बताए । प्रदेश सरकारले ल्याएको रेडियो, एफएम र टेलिभिजन प्रसारण सम्बन्धमा व्यवस्था गर्न बनेको विधेयक माथि सुरु देखिनै आफूहरूले विरोध जनाउँदै आएको वरिष्ठ पत्रकार मनमोहन स्वारले  बताए । प्रदेश सरकारले ल्याएको मिडिया विधेयक जस्ताको तस्तै प्रदेश सभामा पास गर्न लागेकाले आफूहरूले केही बुँदाहरू सच्चाउनु पर्ने भन्दै विरोध जनाएको उनले  बताए ।