बझाङमा पनि पहिरो ४ घाईते, २ जना बेपत्ता

धनगढी

  मंगलबार राती देखिको अबिरल बर्षका कारण बझाङको बुङगल नगरपालीका वडा नं ५ मिडीमा पहिरो गएको छ ।

   पहिरोमा परि चार जना घाईते  र  दुई जना बेपत्ता भएका जिल्ला प्रहरी कार्यालय बझाङका डिएसपि गणेश बमले बताए । घरमाथिबाट आएको पहिरोले प्रताप ताम्राकारको घर बगाएको  छ । नेपाल प्रहरी र स्थानीयको सहयोगमा पहिरोमा परि पुरिएका तीन जनाको उद्धार गरिएको छ भने दुई जना बेपत्ता छन् ।

  पहिरोमा परेर ४० बर्षिया पिपला ताम्राकार, १८ बर्षकी छोरी सुनिता र १२ बर्षकी टिन्टी  ताम्राकार र १६ बर्षका अनिल ताम्राकार घाईते भएका छन् । घाईते चारै जनाको खिरातडी स्वास्थ्य चौकीमा उपचार भईरहेको छ ।

 १४ बर्षका छोरा सचिन ताम्राकार र बुङ्गल नगरपालिका वडा नम्बर ४ तिर्थबगर बस्ने दमन ओखेडाका ५ बर्षका छोरा सुदिप ओखेडा बेपत्ता   छन् । बेपत्ता दुबै जनाको खोजी भईरहेको जिल्ला प्रहरी कार्यालय बझाङका डिएसपि बमले बताए । पहिरोका कारण १५ घर उच्च जोखिममा रहेको बताईएको छ ।