स्वकीय सचिवलाई ओसार्दै आएका थिए संक्रमित चालक

धनगढी

 आइतबार कोरोना संक्रमण पुष्टी भएका मुख्यमन्त्री निवासका सवारी चालकले मुख्यमन्त्रीका स्वकीय सचिवलाई ओसार्दै आएको पाइएको छ ।

 केही महिना अघि मात्रै निवासमा सवारी चालकको नियुक्ति पाएका ती चालकले मुख्यमन्त्रीका स्वकीय सचिव शिव ओलीलाई निवास बाट कार्यालय सम्म पुर्याउने र कार्यालयबाट निवासमा पुर्याउने काम गर्दै आएका श्रोतले जनाएको छ । यसका अलावा मुख्यमन्त्रीका स्वकिय सचिवले बाहिर जानु परेमा पनि संक्रमित सवारी चालकलेनै ओसार्ने गरेको पाइएको छ ।

 चालकमा कोरोना संक्रमण पुष्टी भएपछि मुख्यमन्त्रीका स्वकीय सचिव पनि आइतबार देखी नै होम क्वारेण्टाइनमा बसेका छन् । स्वकीय सचिव ओलीले चालकमा कोरोना संक्रमण देखिएपछि आफु पनि होम क्वारेण्टाइनमा बसेको बताए ।

 ‘महिले म होम क्वारेण्टाइनमै बसेको छ’ धनगढी पोष्ट न्यूज संको कुराकानीमा स्वकीय सचिव ओलीले भने–‘दुई/तीन दिन पछि स्वाव परिक्षण गरेर नतिजा आएपछि मात्रै सार्वजनिक काममा जाने छु ।’

 मुख्यमन्त्रीको सवारी चलाउने चालकमा भने कोरोना परिक्षणको नतिजा नेगेटिभ आएको छ । स्वकिए सचिवको सवारी चालक र मुख्यमन्त्रीका सवारी चालकको कोरोना परिक्षणको नतिजा आइतबार एक पटक आएको थियो ।