डडेल्धुरामा गरिएको परिक्षणमा कैलालीका ४७ सहित ५७ मा कोरोना

धनगढी

 डडेल्धुरा अस्पतालको कोरोना प्रयोगशालामा कैलालीका ४७, कञ्चनपुरका ९ र बैतडीमा १ जनामा कारोना संक्रमण पुष्टी भएको छ ।

 पछिल्लो २४ घण्टाको अवधीमा डडेल्धुरा अस्पतालमा गरिएको १ हजार ६ स्वाव परिक्षण मध्य ५७ जनामा कोरोना संक्रमण पुष्टी भएको अस्पतालका इन्चार्ज इश्वरी प्रसार भूषालले बताए ।

 उनका अनुसार मंगलबार संक्रमण पुष्टी हुनेमा कैलालीको घोडाघोडी नगरपालिकाका ३१, गौरिगंगा नगरपालिकाका ७, टिकापुर नगरपालिकाका ८ र जानकी गाउँपालिकाका १ जना रहेका छन् ।

 यसैगरी कञ्चनपुरको भिमदत्त नगरपालिकाका ८ र महाकाली नगरपालिकाका १ जना र बैतडीको आर्मि ब्यारेकका १ जनामा कारोना संक्रमण पुष्टी भएको अस्पतालका इन्चार्ज भूषलले बताए ।