आज देशभर थप ७४३ जनामा कोरोना संक्रमण पुष्टि

धनगढी

  सोमबार देशभर थप ७ सय ४३ जनामा कोरोना संक्रमण  पुष्टि भएको छ । स्वास्थ्य तथा जनसंख्या मन्त्रालयका अनुसार १० हजार २ सय ३४ पीसीआर परीक्षणमा ७ सय ४३ जनामा संक्रमण पुष्टि भएको हो ।

   सोमबारसम्म कुल संक्रमितको संख्या ३२ हजार ६ सय ७८ रहेका छन् । पछिल्लो २४ घण्टामा १ सय ७५ जना कोरोना संक्रमण निको भई डिस्चार्ज भएका छन् ।

  सोमबारसम्म डिस्चार्ज हुनेको संख्या १८ हजार ८ सय ६ रहेको छ । काठमाडौं उपत्यकामा थप २ सय २४ जनामा कोरोना संक्रमण पुष्टि भएको छ । मन्त्रालयका अनुसार काठमाडौं जिल्लामा १ सय ७७, ललितपुरमा ३३ र भक्तपुरमा १४ जनामा संक्रमण पुष्टि भएको छ ।