कैलालीमा नौ दिन अघि मृत्यु भएका पुरुषमा कोराना पुष्टि

धनगढी

    कैलालीमा नौँ दिनअघि मृत्यु भएका पुरुषमा कोरोना पुष्टि भएको छ । 

  बर्दगोरीयामा गाउँपालिका वडा नम्वर ५ का ४९ वर्षीय पुरुषमा मृत्युको नौ दिनपछि कोरोना पुष्टि भएको हो । यो संगै कोरोना संक्रमणबाट  मृतकको संख्या कैलालीमा पाँच पुगेको छ ।

  जिल्ला स्वास्थ्य कार्यालय कैलालीका निमित्त प्रमुख लालवहादुर धामीले मंगलबार डडेल्धुरा प्रयोगशालामा भएको परीक्षणमा मृतकमा कोरोना पुष्टि भएको बताए ।

   भदौ १ गते पुरुषको मृत्यु भएको र  सुरुमा उनको स्वाव परीक्षणका लागि धनगढी स्थित सेती प्रादेशीक अस्पतालको प्रयोगशालामा पठाइएको तर त्यहाँ चाप बढि भएपछि परिक्षणका लागि डडेल्धुरा स्थित प्रयोगशालामा पठाइएको निमित्त प्रमुख धामीले जानकारी दिए ।

  उनका अनुसार आज डडेल्धुरा अस्पतालमा गरिएको परिक्षणमा ५० जनामा संक्रमण पुष्टि भएको र ति मध्य कैलालीका ति मृतक पुरुषमा पनि कोरोना पुष्टि भएको हो ।