ग्लोबल आइएमई बैंकका ३ कर्मचारीमा कोरोना संक्रमण

धनगढी

  कैलालीको अत्तरियामा रहेको ग्लोबल बैंकका तीन कर्मचारीमा बुधबार कोरोना संक्रमण पुष्टि भएको छ ।  डडेल्धुरा अस्पतालमा गरिएको स्वाब परिक्षणमा उनीहरुमा कोरोना संक्रमण पुष्टि भएको हो ।

 यससँगै बुधबार मात्रै कैलालीमा कोरोना संक्रमति हुने बैंक कर्मचारीको संख्या ४ पुगेको छ ।

  ग्लोबल बैंकका ऋण शाखामा कार्यरत १ महिला र २ पुरुष गरि तीन जनालाई कोरोना संक्रमण भएको हो । संक्रमित मध्य १ जना धनगढी तारानगरका र २ जना अत्तरियाकै वासिन्दा हुन् ।

 बुधबार नै धनगढी स्थित सानिमा बैंकमा कार्यरत महेन्द्रनगर निवासी एक कर्मचारीमा समेत कोरोना पुष्टि भएको थियो ।