भान्सा कार्यक्रमबाट १३ हजार बढी विपन्न परिवारलाई पोषिलो खाना

महेन्द्रनगर

  कञ्चनपुरमा माइती नेपालले सञ्चालन गरेको  भान्सा कार्यक्रमबाट १३ हजार भन्दा बढी लाभान्वित भएका छन् । माइती नेपाल कञ्चनपुरले कोरोना महामारीपछि लकडाउनको मारमा परेका विपन्न तथा गरिब परिवारलाई पोषिलो खाना खुवाउने अभियान अन्तर्गत जिल्लाका विभिन्न स्थानमा रहेका १३ हजार ९ सय ५६ हजार बढी विपन्न तथा गरिब परिवारले पोषिलो खाना पाएका हुन् ।

 विश्वव्यापी रुपमा फैलिरहेको कोरोना महामारी रोकथाम गर्न सरकारले गरेको बन्दाबन्दीमा दैनिक ज्यालादारी गर्ने गरिव तथा विपन्न परिवाररका महिला तथा वालबालिकाहरुले पौष्टिक आहार नपाएको तथा समस्या भएका कारण माइती नेपालले दुई महिनाको समयमा पोषिलो खाना खुवाउने अभियान चलाएको थियो । दुई महिने अभियानको विहीबार भएको छ ।

यु एन ओमेन संस्थाको सहयोग र जिल्लाका स्थानीय तहहरुसंगको सहकार्यमा पौष्टिक आहार खुवाउने लक्ष्यका साथ ५६ दिने अभियान सम्पन्न गरिएको माइती नेपाल कञ्चनपुरकी संयोजक महेश्वरी भट्टले बताइन् । माइती नेपालको भान्सा अभियान कार्यक्रम असार १६ गतेदेखि सञ्चालन गरिएको थियो ।