सुदूरपश्चिम प्रदेशमा तीन वटा प्रयोगशालामा गरि आज ३६ जना संक्रमित थपिए

धनगढी

    सुदूरपश्चिम प्रदेशमा आज थप ३६ जनामा कारोना संक्रमण पुष्टि भएको छ ।

  धनगढी स्थित सेती प्रादेशिक अस्पताल, डडेल्धुरा अस्पताल र डोटी अस्पतालको प्रयोगशालामा भएको परीक्षणमा गरि बिहिवार ३६ जनामा संक्रमण पुष्टि भएको हो । पछिल्लो २४ घण्टामा तीन वटै प्रयोगशालामा गरि नौँ सय २१ जनाको कोरोना परीक्षण गरिएको थियो ।

  डडेल्धुरा प्रयोगशालामा पछिल्लो २४ घण्टामा तीन सय ४८ जनाको कोरोना परीक्षण भएकोमा १९ जनामा संक्रमण पुष्टि भएको छ । अस्पतालका प्रयोगशाला इन्चार्ज ईश्वरी प्रशाद भूषालका अनुसार बैतडीको दशरथचन्द नगरपालिकाका ८ जना, शिवनाथका पाँच, मेलौलीका तीन र डिलासैनीका एक जनामा संक्रमण पुष्टि भएको हो । यसैगरी डोटीको जोरायलका एक र बझाङको जयपृथ्वी नगरपालिकाका एक जनामा पनि संक्रमण पुष्टि भएको प्रयोगशाला इन्चार्ज भूषालले बताए ।

   सेती प्रादेशिक अस्पतालमा भएको परीक्षणमा बिहिवार थप १२ जनामा कोरोना पुष्टि भएको छ । पछिल्लो २४ घण्टामा चार सय ९२ जनाको कोरोना परीक्षण भएकोमा कैलालीका १२ जनामा संक्रमण पुष्टि भएको   हो । सेती प्रादेशिक अस्पतालका सूचना अधिकारी दिलिप कुमार श्रेष्ठका अनुसार कैलालीको गोदावरी नगरपालिका ३ का नौ जना र धनगढीका तीन जनामा संक्रमण देखिएको हो ।

 बिहिवार नै डोटी अस्पतालको प्रयोगशालामा ८१ जनाको कोरोना परीक्षण भएकोमा पाँच जनामा संक्रमण पुष्टि भएको छ । संक्रमण पुष्टि भएकामा शिखर नगरपालिका वडा नम्वर ४ का चार जना र वडा नम्वर ३ का एक जना रहेकोे प्रयोगशाला इन्चार्ज शौरभ श्रेष्ठले बताए ।