नेपालमा एकैदिन थपिए १ हजार १११ संक्रमित

धनगढी

  आज देशभर १ हजार १ सय ११ जना कोरोना संक्रमित थपिएका   छन् । पछिल्लो २४ घण्टामा मात्र १ हजार १ सय ११ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

  देशभरका प्रयोगशालामा १२ हजार ६ सय २९ नमुना परीक्षण गर्दा ३ सय ३४ महिला र ७ सय ७७ पुरुषमा संक्रमण पुष्टि भएको हो ।

 काठमाडौं उपत्यकामा मात्र ३ सय ७७ संक्रमित थपिएका  छन् । त्यसमध्ये काठमाडौंमा मात्र २ सय ७०, ललितपुरमा ६६ र भक्तपुरमा ४१ जना रहेका छन् ।

 यस सँगै कुल संक्रमितको संख्या ३५ हजार ५ सय २९ पुगेको छ । उनीहरुमध्ये १ सय ८३ जनाको मृत्यु भएको छ भने २० हजार ७३ जना कोरोनामुक्त भएका छन् ।