एनआरएन लघुबित्तद्धारा ९ लाख १२ हजार ऋण मिनाहको प्रकृया शुरु

धनगढी

एनआरएन लघुबित्त बित्तीय संस्थाले अछामको रामारोशन गाउपालिकामा पहिरो गएर क्षति पुगेका आफ्ना ऋणीहरुको ९ लाख १२ हजार ३२ रुपैयाँ ऋण मिनाहको प्रकृया अघि बढाएको छ ।

 पहिरोले बस्ती नै बगाएपछि ऋणीहरुको मृत्यु भएको, परियोजनामा क्षति पुगेकोले राहत स्वरुप ऋण मिनाहको प्रकृया अघि बढाईको एनआरएन लघुबित्तका प्रमुख कार्यकारी अधिकृत इन्द्र कुमार शाहले बताए । “पहिरोले बस्ती नै बगाएको छ, मानवीय र भौतिक क्षति पुगेको छ ।” शाहले भने “त्यसैले सदस्य र ऋणीहरुले संचालन गरेको परियोजना नै नरहेपछि ऋण तिर्न सक्ने अवस्था नरहेकोले ऋण मिनाहको प्रकृया अघि बढाएका छौं ।”

एनआरएनले रामारोहन गाउपालिकाको वडा नम्बर ५ सैनीबजारका मृत्यु भएका र परियोजना पुर्ण रुपमा नष्ट भएका ऋणीहरुको ७ लाख ६४ हजार १ शय २२ रुपैयाँ र र पुल बजार र मुजा बजारका परियोजना पुर्ण रुपमा नष्ट भएका ऋणीहरुको १ लाख ४८ हजार ३२ रुपैयाँ ऋण मिनाह गर्ने भएको हो ।

प्रमुख कार्यकारी अधिकृत शाहले सामाजिक दायित्व अन्तरगत सदस्य र ऋणीहरुलाई अप्ठेरो परेको बेलामा एनआरएनले सामाजिक उत्तरदायित्व निर्वाह गर्न लागेको बताए ।

भदौ ८ गते राति बर्षासँगै पहिरो आउदा रामारोशन गाउपालिका वडा नम्बर ५ को सैनी बजार र मुजाबजारका ७ जनाको मृत्यु भएको छ, १० जना अझै बेपत्ता छन् । सैनीबजार, पुल बजार र मुजाबगरमा भौतिक क्षति पुरयाएको थियो ।

३ लाख ५७ हजार राहत बितरण

एनआरएन लघुबित्तले पहिरोमा परेर ज्यान गुमाएका र क्षति ब्यहोरेका सदस्य र ऋणीहरुलाई ३ लाख ४७ हजार रुपैयाँ राहत बितरण गरेको छ । सैनीबजारमा सदस्य र श्रीमानको मृत्यु भएका ३ जनालाई ३० हजार, मृत्यु भएका सदस्य १ जनाका परिवारलाई ७ हजार, पुर्ण रुपमा परियोजना नष्ट भएका ऋणीलाई १ लाख ६० हजार राहत बितरण गरिएको छ । त्यस्तै पुल बजार र मुजा बजारका पुर्ण रुपमा परियोजना नष्ट भएका ऋणीलाई ६० हजार र पुर्ण रुपमा परियोजना नष्ट भएका सदस्यलाई १० हजार राहत प्रदान गरेको छ ।