भन्सार छलेको मोबाइलका सामान सहित १ जना पक्राउ

धनगढी

भारतबाट भन्सार छली ल्याएका एक लाख ६६ हजार रुपैयाका मोबाइलका पार्टपुर्जा  सहित प्रहरीले अमन अहमदलाई पक्राउ गरेको छ ।

  धनगढी उपमहामनगरपालिका  वडा नम्बर १ स्थित घरमा रहेको मोबाइल मास्टर रिपेरिङ  सेन्टरबाट मोबाइलका डिस्प्ले २ शय थान, मोबाइल टर्च ५६ थान, किबोडवाला मोबाइलको डिस्प्ले ३३ थान, ब्याट्री १ शय ६ थान, ब्याक कभर ७२ थान बरामद गरेको जिल्ला प्रहरी कार्यालय कैलालीले जनाएको छ  ।

  शुक्रबार पक्राउ परेको अहमद  र बरामद सामान सहित आइतबार त्रिनगर भन्सार कार्यालय पठाइएको जिल्ला प्रहरी कार्यालय कैलालीले जनाएको छ ।