सुदूरपश्चिम प्रदेशमा सोमबार थप ५३ जनामा संक्रमण पुष्टि

धनगढी

    सोमबार सुदूरपश्चिम  प्रदेशमा थप ५३ जनामा संक्रमण पुष्टि भएको छ । प्रदेशका धनगढी, डडेल्धुरा र डोटीमा रहेका प्रयोगशालामा गरिएको परिक्षणमा ५३ जनामा संक्रमण पुष्टि भएको हो ।

  सेती प्रादेशिक अस्पतालको प्रयोगशालामा भएको परीक्षणमा  ३२ जनामा कोरोना संक्रमण पुष्टि भएको छ । पछिल्लो २४ घण्टामा तीन सय ८ जनाको कोरोना परीक्षण गरीएकोमा कैलालीका २६, कञ्चनपुरका ५ र बैतडीका एक जनामा संक्रमण पुष्टि भएको सेती प्रादेशीक अस्पतालद्धारा जारी बिज्ञप्तीमा उल्लेख छ ।

 बिज्ञप्ती अनुसार सुर्नाया–४ बैतडीका एक  महिला, धनगढी उप–महानगरपालिका वडा नम्वर १ का एक जना, वडा नम्वर २ का दुई जना, वडा नम्वर ३ का ६ जना, वडा नम्वर १२ का दुई जना, वडा नम्वर १७ का दुई जना, वडा नम्वर १९ का एक जनामा संक्रमण पुष्टि भएको छ ।

 घोडाघोडी नगरपालिका वडा नम्वर १ का ६ जना, भजनी नगरपालिका वडा नम्वर ३ का एक जना, गोदावरी नगरपालिकाका तीन जना, कैलारी गाउँपालिकाका दुई जना, कृष्णपुर नगरपालिका वडा नम्वर ७ का एक जना, महाकाली नगरपालिका वडा नम्वर ६ का एक जना, पुनरवास नगरपालिकाका दुई जना, बेदकोट नगरपालिका वडा नम्वर ५ का एक जनामा संक्रमण पुष्टि भएको बिज्ञप्तीमा उल्लेख छ ।

   सोमबार नै डडेल्धुरा अस्पतालको प्रयोगशालामा भएको परीक्षणमा थप २० जनामा कोरोना पुष्टि भएको छ । पछिल्लो २४ घण्टामा एक सय ८ जनाको कोरोना परीक्षण भएकोमा २० जनामा संक्रमण पुष्टि भएको हो । प्रयोगशालाका मेडिकल ल्याब टेक्नोलोजिष्ट जिनी गणेजुले बझाङका १६ र डडेल्धुराका चार जनामा संक्रमण पुष्टि भएको जानकारी दिए । उनका अनुसार डडेल्धुराको अजयमेरु गाउँपालिकाका चार जना, बझाङको जयपृथ्वी नगरपालिकाका सात जना, केदारस्यू गाउँपालिकाका चार जना, मष्टा गाउँपालिकाका तीन जना, वित्थडचिर र छव्विसपाथिभेरा गाउँपालिकाका एक÷एक जनामा संक्रमण पुष्टि भएको छ ।

  डोटी जिल्ला अस्पतालको प्रयोगशालामा भएको परीक्षणमा एक जनामा संक्रमण पुष्टि भएको छ । सोमबार १ सय ६ जनाको कोरोना परीक्षण भएकोमा एक जनालाई संक्रमण पुष्टि भएको अस्पतालले जनाएको छ । अस्पतालका प्रयोगशाला इन्चार्ज शौरभ श्रेष्ठले रामारोशन गाउँपालिकाका एक पुरुषमा कोरोना पुष्टि भएको बताए ।