मुम्बई संग स्तब्ध कोलकाता

धनगढी

 युयइमा जारी इण्डियन प्रिमिय लिग (आइपियल) अन्तरगत बुधबार रातीको खेलमा मुम्बईसँग कोलकता स्तब्ध बनेको छ ।

 पहिले ब्याटिङ गरेको मुम्बईले २० ओभरमा ५ विकेट गुमाएर १ सय ९५ रनको बलियो स्कोर खडा गरेको थियो र यो नै जितको आधार रह्यो । त्यस चुनौती सामु कोलकाता २० ओभरमा ९ विकेट गुमाएर १ सय ४६ रनमै सीमित रह्यो ।

 कोलकाताका लागि कोही पनि ब्याट्सम्यानले गतिलो योगदान दिन सकेनन् । कप्तान दिनेश कार्तिकले ३० रन बनाए । प्याट कुमिन्सले बनाएको ३३ रन नै सर्वाधिक ठूलो स्कोर सावित भयो । यस्तै नितिश राणाले २४ रन बनाए । अन्य कोही पनि ब्याट्सम्यानले राम्रो गर्न सकेनन् ।

 यसअघि मुम्बईका लागि कप्तान रोहित शर्मा (तस्बिरमा शट हान्दै) ले ५४ बलमा ८० रन बनाए । उनले ३ चौका र ६ छक्का प्रहार गरे । यस्तै सूर्यकुमार यादवले २८ बलमा ४७ रनको गतिलो योगदान दिए ।

 उनीहरूले दोस्रो विकेटका लागि ९० रनको साझेदारी गरे । बिहीबार दुबईमा किंग्स इलेभेन पन्जाब र रोयल च्यालेन्जर्स बेंग्लोरबीच खेल हुनेछ ।