बैतडीमा वैकल्पिक माध्यामबाट शिक्षण गरिने

धनगढी

 सुदूरपश्चिम प्रदेशको पहाडी जिल्ला बैतडीमा वैकल्पिक शिक्षण कार्यक्रम सुरु हुने भएको छ ।

 यस अघि पनि बैतडीमा वैकल्पिक शिक्षण मार्फत पठन पाठन गरिदै आएकोमा असोज १८ गते देखी रोकिएको थियो ।

 सो समयमा कर्मचारीमा कोरोना संक्रमण पुष्टि हुँदा पठन पाठन रोकिएको भएपनि संक्रमित शक्षक कर्मचारी संक्रमण मुक्त भएसंगै पुनः पठनपाठन सुचारु गर्ने तयारी भइरहेको बैतडीको मेलौली नगरपालिकाका शिक्षा शाखा अधिकृतहरिष भट्टले बताए ।

 ‘अहिले कोरोना संक्रमण पुष्टि भएका सवै शिक्षक कर्मचारी निको भएर घर फर्किसकेका छन्’ उनले भने–‘शिक्षक निको भएसंगै वैकल्पिक शिकाईलाई पुनः सुचारु गर्ने योजना बनाएका हौं ।’ उनका अनुसार आइतबार देखी मेलौलीमा वैकल्पिक कक्षा संचालन गर्ने तयारी गरिएको छ ।

 आइतबार देखी वैतडीका अन्य स्थानीय तहले पनि वैकल्पिक कक्षा संचालन गर्ने तयारी गरेको उनले बताए ।

 उनका नुसार तल्लो तहका कक्षामा अध्यनगर्ने विद्यार्थीलाई भने विद्यालयमै तथा टोल टोलमै गएर स्वास्थ्य सुरक्षाका मापदण्ड अपनाएउँदै पठन पाठन सञ्चालन गर्ने तयारी गरिएको छ ।

 मेलौली नगरपालिकामा ४६ सामुदायिक र ३ निजी विद्यालयमा गरि ८ हजार बढी विद्यार्थी अध्ययनरत रहेका छन् ।