धनगढी–१५ मा जोरविजोर प्रणालीबाट पठनपाठन सुरु

धनगढी

 धनगढी उप–महानगरपालिका वडा नम्बर १५ मा जोर बिजोर प्रणालीबाट पठनपाठन सुचारु गरिएको छ ।

 कोरोना संक्रमणलाई छल्दै आज देखी जोरबिजोर प्रणाली अपनाएर पठनपाठन सुचारु गरिएको वडा अध्यक्ष फुलराम चौधरीले बताए ।

 वडामा विगत १ साता देखी नयाँ संक्रमित फेला नपरेपछि सुरक्षाका मापदण्ड पालना गर्दै सामुदायिक विद्यालयमा पठनपनठान सुचारु गर्ने निर्णय गरिएको वडा अध्यक्ष चौधरीले बताए ।

 सो वडामा ४ वटा सामुदायिक विद्यालय रहेका छन् । नगरका अन्य विद्यालयले भने वैकल्पिक पद्धतिबाट शिक्षण गर्दै आएका छन् । बिहीबार १० बजे दखी नियमित सञ्चालन हुने गरी विद्यालयमा पठनपाठन सुचारु गरिएको वडाध्यक्ष फुलराम चौधरीले बताए ।