सेतीको परिक्षणमा थप ४० जनामा कोरोना संक्रमण पुष्टि

धनगढी

 धनगढी स्थित सेती प्रादेशिक अस्पतालमा गरिएको परिक्षणमा थप ४० जनामा कोरोना संक्रमण पुष्टि भएको छ ।

 पछिल्लो २४ घण्टाको अवधिमा सेतीमा गरिएको २ सय ७८ जनाको स्वाव परिक्षणमा कैलालीका २५, कञ्चनपुरका ११, डडेल्धुराका १ र अछामका ३ गरी ४० जनामा संक्रमण पुष्टि भएको हो ।

 अस्पतालका सूचना अधिकारी दिलिप कुमार श्रेष्ठका अनुसार संक्रमण पुष्टि हुनेमा कैलालीको धनगढी उप–महानगरपालिका वडा नम्बर १ का २ जना, वडा नम्बर ३ र ५ का १÷१ जना र वडा नम्बर २० का ३ जना रहेका छन् ।

 यसैगरी कैलालीकै टिकापुर नगरपालिकाका १३ जना, जोशीपुर गाउँपालिका, घोडाघोडी नगरपालिका र मोहन्याल गाउँपालिकाका १÷१ जना तथा पहिचान नखुलेका कैलालीका २ जनामा पनि संक्रमण पुष्टि भएको सूचना अधिकारी श्रेष्ठले बताए ।

 उनका अनुसार शनिबार नै कञ्चनपुरको भिमदत्त नगरपालिकाका ७ जना, वेल्डाँडी गाउँपालिका, कृष्णपुर नगरपालिका, वेलौरी नगरपालिका र पुनर्वास नगरपालिकाका १÷१ जनामा पनि संक्रमण पुष्टि भएको छ । यसैगरी डडेल्धुराका १ र अछामका ३ जनामा  पनि शनिबार संक्रमण पुष्टि भएको सूचना अधिकारी श्रेष्ठले बताए ।