चमेलियामा ७२ वर्षीया वृद्धाको शव भेटियो

बैतडी, 
    बैतडी स्थित चमेलिया नदीमा तैरिरहरेको अवस्थामा ७२ बर्षे बृद्धाको शव फेला परेको छ । बैतडीको दोगडाकेदार गाउँपालिका वडा नम्बर–६ मा पर्ने चमेलिया डवेको अवस्थामा लेकम गाउँपालिका –१ बित्थडकी ७२ वर्षीया झिमा कार्कीको शव फेला परेको जिल्ला प्रहरी कार्यालय बैतडीले जनाएको छ ।
    सोमबारदेखि वेपक्ता भएकी ती वृद्धाको शव मंगलबार मध्यान्ह १२ बजे भेटिएको बैतडीका प्रहरी नायव उपरीक्षक नारायणप्रसाद अधिकारीले बताए । बालुवा निकालिरहेका स्थानीय बासिन्दाले वृद्धाको शव पानीमा तैरिरहेको अवस्थामा फेलापारेपछि प्रहरीलाई खबर गरेको प्रहरी नायव उपरिक्षक अधिकारीले बताए । वृद्धा कुष्ठरोगी रहेको र नदीमा हामफालेर आत्महत्या गरेको हुनसक्ने प्रहरीको प्रारम्भिक अनुमान छ । शवको पोष्मार्टमका लागि जिल्ला अस्पताल बैतडी ल्याउने तयारी भइरहेको जनाइएके छ ।