सेतीको परीक्षणमा ४४ जनामा कोरोना संक्रमण पुष्टि

धनगढी

  मंगलबार सेती प्रादेशिक अस्पतालको प्रयोगशालामा गरिएको परीक्षणमा ४४ जनामा कोरोना संक्रमण पुष्टि भएको छ ।  १ सय ९३ जनाको परीक्षणमा १५ महिला र २९ पुरुष गरी ४४ जनामा संक्रमण पुष्टि भएको अस्पतालले जनाएको छ ।

 अस्पतालका  सूचना अधिकारी दिलिपकुमार श्रेष्ठका अनुसार मंगलबार पुष्टि भएका मध्य धनगढी उपमहानगरपालिकाका सबैभन्दा बढी १६, लम्किचुहा नगरपालिकाका ४, गोदावरी नगरपालिकाका २, गौरीगंगा नगरपालिका र कैलाली गाउँपालिकाका १÷१ जना र स्थानीय तह नखुलेका ५ जनामा कोरोना पुष्टि भएको छ ।

 यसैगरी कन्चनपुरको भीमदत्त नगरपालिकाका ७ जना, कृष्णपुर नगरपालिका र बेलौरी नगरपालिकाका ४÷४ जनामा संक्रमित पुष्टि भएको सूचना अधिकारी श्रेष्ठले बताए ।