लैगिक उत्तरदायी तथा समावेशी सुशासन तालीम धनगढीमा सुरु

धनगढी

  स्थानीयतहका जनप्रतिनिधी र कर्मचारीहरुलाई दुई दिने लैगिक उत्तरदायी तथा समावेशी सुशासन तालीम धनगढीमा सुरु भएको छ ।

  नेपाल राष्ट्रिय दलित समाज कल्याण संघ, जिल्ला शाखा कैलाली र जुरी नेपालको संयुक्त आयोजनामा मंगलवार तालीम सुरु गरेको हो । तालीममा सहभागी महिला र पुरुष गरी २५ जना तालीममा सहभागी रहेका छन् ।

 सहभागीहरुलाई विषयवस्तुमा ज्ञान सिप क्षमता प्रदान गरी स्थानीयस्तरमा रहेका लैगिक विभेदकारी मुल्य मान्यता तथा प्रथाहरुको अन्त्य गर्न स्थानीयतहका जनप्रतिनिधी र कर्मचारीहरुको भुमिकाबारे जानकारी दिई लैगिक उत्तरदायी स्थानीय सरकार निमार्णमा अग्रसर गराउने र स्थानीयस्तरमा लैगिक उत्तरदायी समावेशी सुशासन लैगिक समानता कायम गर्ने तालिमको उद्देश्य रहेको छ ।

  निर्वाचित महिला जनप्रतिनिधीहरुको क्षमता विकास र लैगिक उत्तरदायी तथा समावेशी स्थानीय सरकार प्रवद्र्धन परियोजना अन्तरगत कैलाली जिल्लाका ३ वटा स्थानीय तह धनगढी उपमहानगरपालिका,कैलारी गाउँपालीका र भजनी नगरपालिकामा यो परियोजना लागु भएको छ ।