धनगढी पोष्ट शुक्रबार, २२ चैत २०८१   April 4, 2025

एलपिएलको विशेष पुरस्कार प्रयोजन रोज कलेक्सनले गर्ने

एलपिएलको विशेष पुरस्कार प्रयोजन रोज कलेक्सनले गर्ने

धनगढी

आगामी फागनु १५ गते देखी २४ गते सम्म सञ्चालन हुने पाँचौ संस्करणको चण्डिका ग्रुप अफ एलपिएल क्रिकेट प्रतियोगितामा विशेष पुरस्कार राशीको प्रायोजन रोज कलेक्सनले गर्ने सहमति भएको छ । 
विशेष पुरस्कार राशीको प्रयोजन गर्ने विषयमा लिटल फ्लावर स्पोर्टस एण्ड ईभेन्ट्स प्रालिका अध्यक्ष रामचन्द्र शाही र रोज कलेक्सनका प्रो.प्राइटर रोशन विक्रम शाही विच सम्झौता भएकोहो । विशेष पुरस्कार अन्तरगत प्रत्येक खेलका म्यान अफदी म्याच खेलाडी, प्रतियोगिता अवधि भरी विभिन्न विधामाका उत्कृष्ठ हुने खेलाडीलाई दिईने पुरस्कार र ट्रफि पर्ने लिटल फ्लावर स्पोर्टस एण्ड ईभेन्ट्स प्रालिका अध्यक्ष रामचन्द्र शाहीले बताए । 
प्रतियोगिताको मुख्य प्रयोजक चण्डिका ग्रुप रहेको छ भने दोश्रो पुरस्कार राशीको प्रायोजन गुरुकुल एकेडेमीले गर्ने सहमित यस अघि भइसकेको अध्यक्ष शाहीले बताए । प्रतियोगितामा प्रयोजन, हस्पिटालिटी पार्टनर, लगायत अन्य विधाका प्रायोजकको टुङ्गो समेत लागि सकेको उनले बताए । 
लिग कम नक आउटमा खेलाइने प्रतियोगिता धनगढी स्थित संघीय प्रहरी इकाईको खेल मैदानमा सञ्चालन हुने छ । प्रतियोगितामा कक्षा १० सम्म पढ्दै गरेका १९ बर्ष मुनीका खेलाडी तथा प्रत्यक टिममा २ जना राष्ट्रिय स्तरका खेलाडीलाई सहभागिता गराउन पाइने व्यवस्था गरिएको छ । प्रतियोगितामा देशभरका १२ विद्यालयले सहभागिता जनाउने छन् ।