सुदूरपश्चिममा एकै दिन २७२ मा कोरोना संक्रमण पुष्टी

धनगढी

   सुदूरपश्चिम प्रदेशमा २४ घण्टामा सवै भन्दा बढी कोरोना संक्रमित थपिएका छन् ।

   राष्ट्रिय जनस्वास्थ्य प्रयोगशाला, बिर अस्पताल र धनगढी प्रयोगशालामा गरिएको परिक्षणमा २ सय ७२ जनामा कोरोना संक्रमण पुष्टी भएको हो । यो संगै सुदूरपश्चिम प्रदेशमा कोरोना संक्रमितको कुल संख्या १ हजार ५ सय ४९ पुगेको छ ।

   राष्ट्रिय जनस्वास्थ्य प्रयोगशालामा भएको परीक्षणमा कञ्चनपुरका १६ महिला र ६९ पुरुष गरी ८५, कैलालीका ९ महिला र ३९ पुरुष सहित ४८, डोटीका १० महिला र ३८ पुरुष गरी ४८, अछामका १० पुरुष, बाजुराका सात पुरुष र बैतडीका एक महिला र तीन पुरुषमा संक्रमण पुष्टी भएको स्वास्थ्य मन्त्रालयको नियमित पत्रकार सम्मेलन मार्फत जानकारी दिइएको छ ।

   यसैगरी आजै बिर अस्पतालको प्रयोगशालामा अछामका एक महिला र १३ पुरुष गरी १४ जनामा कोरोना पुष्टि भएको मन्त्रालयको नियमित पत्रकार सम्मेलनमा जानकारी दिइएको छ ।

   आजै धनगढी प्रयोगशालामा भएको परीक्षणमा थप ५७ जनामा कोरोना पुष्टि भएको हो । सेती प्रादेशिक अस्पतालका सूचना अधिकारी दिलिप कुमार श्रेष्ठका अनुसार लम्की चुहा नगरपालिकाका ६ महिला र १९ पुरुष सहित २५, गोदावरी नगरपालिकाका ४ महिला र २८ पुरुष सहित ३२ जनामा कोरोना संक्रमण पुष्टी भएको हो ।