ओडीआई क्रिकेट : टस हारेको नेपालले बलिङ गर्दै

धनगढी । ओमनमा सुरु भएको आईसीसी क्रिकेट विश्वकप लिग–२ अन्तर्गत ओमनमा जारी त्रिकोणात्मक सिरिजको पहिलो खेल नेपाल र पपुवा न्यु गिनीबीच सुरु भएकोछ । पपुवा न्यु गिनिले टस जितेर पहिला ब्याटिङ गर्ने निर्णय गरेपछि नेपालले बलिङ गरिरहेकाछ ।

ओमान र अमेरिकासँग विश्वकप लिग २ सिरिज खेल्ने ओमान पुगेको नेपालले त्यसअघि तयारी स्वरुप पीएनजीसँग दुई ओडीआई खेल्न लागेको हो । आजको खेलमा आसिफ शेख, कुशल भुर्तेल र विक्रम सोवले ओडीआईमा डेब्यु गरेका छन् । आसिफले डेब्युमै विकेटकिपङ सम्हालेका छन् । विनोद भण्डारी र करण केसीलाई भने आज बाहिर राखिएकोछ ।

जारी खेल अन्तरगत १२ ओभर सकिँदा पपुवा न्यु गिनीले ३ विकेट गुमाएर ५९ रन बनाएको छ । नेपालका लागि पहिलो ओडिआई खेलेका बिक्रम सोवले २ तथा सन्दिप लामिछानेले १ र कुशल मल्लले १ विकेट लगेका छन् ।

नेपाली टिममा ज्ञानेन्द्र मल्ल(कप्तान), कुशल भुर्तेल, आसिफ शेख(विकेटकिपर), आरिफ शेख, शरद भेषावकर, रोहितकुमार पौडेल, कुशल मल्ल, सोमपाल कामी, पवन सरार्फ, विक्रम सोब र सन्दीप लामिछाने छन् ।