टी–२० विश्वकप : न्युजिल्याण्ड हारे भारतको भाग्य चम्किने

धनगढी । युनाइटेड अरब इमिरेट्स (यूएई)मा जारी आईसीसी टी–२० विश्वकप क्रिकेटअन्तर्गत सुपर १२ चरणको अन्तिम तीनमध्ये दुई खेल आज हुँदैछ । आज पहिलो खेल न्युजिल्याण्ड र अफगानिस्तान विच हुँदैछ । उक्त खेलमा न्युनिल्याण्ड हारेमा भारतको भाग्ण् चम्किने छ । तर न्युजिल्याण्ड जितेमा भने भारतको विश्वकप यात्र समाप्त हुने छ । आज हुने खेलले सेमिफाइनल पुग्ने अन्तिम एक टोलीको टुङ्गो पनि लगाउने छ ।

सुपर १२ को ग्रुप २ मा आज भारत र नामिबिया तथा न्युजिल्याण्ड र अफगानिस्तानबीच खेल हुँदैछ । यस समूहबाट लगातार चार खेल जित्दै पाकिस्तानले सेमिफाइनलमा स्थान पक्का गरिसकेको छ । पाकिस्तानले सोमबार स्कटल्याण्डसँग अन्तिम खेल खेल्नेछ ।

त्यसअघि आज हुने दुई खेल प्रतिक्षित बनेको छ । दिउँसो हुने पहिलो खेलमा न्युजिल्याण्ड र अफगानिस्तान भिड्दैछन् । यस खेल न्युजिल्याण्डले जितेमा सिधैं सेमिफाइनलमा स्थान बनाउनेछ भने भारत अन्तिम खेलअघि नै बाहिरिनेछ ।

यदि अफगानिस्तानले न्युजिल्याण्डलाई हराएमा भारतको सम्भावना जिवित रहनेछ । त्यस्तो अवस्थामा भारतले नामिबियालाई फराकिलो अन्तरले हराउनुपर्नेछ । सुरुआती दुई खेलमा पाकिस्तान र न्युजिल्याण्डसँग पराजित भएको भारतले अफगानिस्तान र स्कटल्याण्डलाई हराएको थियो ।

न्युजिल्याण्ड चार खेलबाट ६ अंकसहित समूह दुईको दोस्रो स्थानमा छ । चा÷चार अंक रहेका भारत र अफगानिस्तान क्रमशः तेस्रो र चौथो स्थानमा छन् । दुई अंक रहेको नामिबिया र अंकविहीन स्कटल्याण्ड भने बाहिरिसकेको छ ।

समूह एकबाट इंग्ल्याण्ड र अष्ट्रेलिया क्रमश : समूह विजेता र उपविजेता बन्दै सेमिफमाइनल पुगिसकेका छन् । सेमिफाइनल खेल नोभेम्बर १० र ११ मा हुनेछ भने फाइनल खेल नोभेम्बर १४ मा हुनेछ ।