सुदूरपश्चिमका तीन जिल्लामा सलह, झुण्डको आकार सानो

धनगढी,

 सोमबार सुदूरपश्चिमको कैलालीमा देखा परेको सलह प्रजातिको फट्याङ्ग्रा बुधबार सम्म तीन जिल्लामा देखिएको छ ।  तर सुदूरपश्चिम प्रबेस गरेको सलह विनासकारी भने नभएको प्रदेश कृषि बिकास निर्देशनालयले जनाएको छ ।

  सोमबार कैलालीको लम्की नगरपालिका, बर्दगोरिया गाउँपालिका, कैलालरी गाउँपालिका लगायतका क्षेत्रमा देखिएको सहल मंगलबार डडेल्धुरामा देखिएको थियो भने आज बैतडी नगरपालिका–१० मा देखा परेकोे कृषि विकास निर्देशक यज्ञराज जोशीले बताए ।

   जोशीका  अनुसार सुदूरपपिश्चमका तीन वटै जिल्लामा देखा परेको सलह विनासारी भने छैन । ‘ठुलो झुण्डमा सलह प्रवेस गरेको भए बालीमा विनास पु¥याउने खतरा हुन सक्दथ्यो’ निर्देशक जोशीले भने– ‘तर यहाँ त्यस्तो परिस्थिति छैन, झुण्डबाट छुटेर केही सलहको समुह सुदूरपश्चिम प्रदेश गरेको देखिन्छ ।’

   सुदूरपश्चिम प्रदेशमा देखिएको सलहले बालीमा नोक्सानी पु¥याउन नसक्ने भूमि व्यवस्था कृषि तथा सहकारी मन्त्रालयका प्रबक्ता खगेन्द्र शर्माले बताए । तर किसानले सचेत भने हुनु पर्नेमा उनले जोड दिएका छन् । ‘स–सानो झुण्डमा रहेको सलहले ठुलो नोक्सानी नगरे पनि केही स्थानमा समस्या निम्त्याउन सक्दछ’ प्रबक्ता शर्माले भने– ‘त्यसका लागि किसान सचेत हुनु पर्दछ, प्राकृतिक तरिकाले सहल किरा भगाउन सकिन्छ ।’

   खरानी खेतमा फाल्ने, आगो बालेर धुवाँ उडाउने, विभिन्न माध्यमबाट चर्को ध्वनी निकाल्ने, किरा भएको ठाउँमा वालुवा फाल्ने जस्ता प्राकृतिक उपायबाट पनि सलहलाई खेतमा जानबट रोक्न सकिने उनले बताए ।

  उनले ठुलो झुण्डमा सलह देखा परेमा भने प्रदेश स्तरमा बनेको सलह किरा व्यास्थापन समितिलाई सम्बन्धित स्थानमा पठाएर विषादी प्रयोग गर्ने व्यवस्था गरिएको बताए ।

   सुदूरपश्चिम प्रदेश सरकरले सलह किरा संकलन गर्ने जो कोहीलाई प्रति किलो २५ रुपैंया दिने निर्णय गरेको छ । यसैगरी सलह व्यवस्थापनका लागि कृषि दिर्नेशक यज्ञराज जोशीको संयोजकत्वमा ७ सदस्यीय समिति निर्माण गरेको छ ।