प्याब्सन दिवसमा मानव सेवा आश्रममा भोजन

धनगढी ।  निजी तथा आवासीय बिद्यालय  अर्गनाइजेसन नेपाल (प्याब्सन)को ३१ औं स्थापना दिवसमा प्याब्सन कैलालीले मानव सेवा आश्रम धनगढीमा रहेका लक्ष्मीनारायणहरुलाई भोजन गराएको छ ।

सामाजिक काममा सहयोग होस् भनेर भोजन गराइएको प्याब्सन कैलालीका अध्यक्ष  टोपेन्द्र शाहले बताए ।

 प्याब्सनका सुदुरपश्चिम प्रदेश अध्यक्ष ललित राज पन्तले  भोजन बापतको रकम दश हजार मानव  सेवा आश्रमका संयोजक अच्युत राज घिमिरेलाई हस्तान्तरण गरेका हुन् ।

  सो अवसरमा प्याब्सनका केन्द्रिय सदस्य हरि रेग्मीले प्याब्सन शैक्षिक संस्था भएपनि सामाजिक काममा संलगन रहदै आएको र आगामी दिनमा पनि सामाजिक काममा सहभागिताको कार्य जारी राख्ने बताए ।

कार्यक्रम संचालन गोविन्द सेढाईले गरेका थिए ।