निजी स्कुलमा साउन १ देखि शिक्षकलाई बेतलवी घर विदा

काठमाडौं

 निजी विद्यालयहरुले हाल संचालन गरेका  अनलाईन कक्षा साउन १ गतेबाट  बन्द गर्ने घोषणा गरेका छन् ।

  आफूहरुले उठाएको माग सम्बोधन नभएको भन्दै प्याब्सन र एन–प्याब्सनले बैकल्पिक शिक्षण सिकाई क्रियाकलाप स्थगन गरि शिक्षक तथा कर्मचारीलाई बेतलवी घर विदा दिने निर्णय गरेका हुन् ।

 अब भौतिक रुपमा विद्यालय सञ्चालनको अनुमति पछि मात्र विद्यालय प्रशासन खुला गर्ने दुबै संगठनले बताएका छन् । साथै शिक्षक र कर्मचारीको तलब लगायतका सुविधा विद्यालय सञ्चालन भएर आम्दानी सुनिश्चित भएपछि क्रमशः उपलब्ध गराउने निजी विद्यालयहरुले बताएका छन् ।