शारदा क्रीकेट लिग प्रतियोगिताको दर्ता खुला

धनगढी । कैलालीको गोदावरी नगरपालिका वडा नम्बर ८ मा स्याउले बजारमा रहेको शारदा विद्या निकेतनको आयोजनामा शारदा क्रीकेट लिग (अन्तर विद्यालय क्रीकेट प्रतियोगिता २०८१)  हुने भएको छ।

प्रतियोगिताको दर्ता खुला गरिएको आयोजकले जनाएको छ। प्रतियोगितामा कैलाली र कंचनपुर जिल्लाका विद्यालयहरुमा कक्षा १० सम्ममा अध्ययनरत क्रीकेट खेलाडीहरु सहभागी हुन पाउने छन्।

प्रतियोगितामा कुल १२ विद्यालय टिमहरुले सहभागीता जनाउन पाउनेछन।प्रतियोगिता २०८१ मंसिर ७ गतेदेखि १४ गतेसम्म गोदावरी८, स्याउले बजार कैलालीमा संचालन हुने छ।

प्रतियोगितामा बिजेताले नगद चालीस हजार, उपबिजेताले नगद बीस हजार मात्र प्रतियोगिताको सर्बोत्कृष्ट खेलाडीले नगद  चार हजार, बेस्ट बलर र ब्याटर र उदियमान खेलाडीले नगद जनही दुई हजार प्राप्त गर्नेछन भने मेडल ट्रफी र प्रमाणपत्र समेत पाउने छन। प्रतियोगिताको प्लेयर अफ द म्याचले नगद पाँच सय एवम् ट्रफी मेडल र प्रमाणपत्र प्राप्त गर्ने छन्।

 प्रतियोगितामा सहभागी हुन चाहने टिमहरुले यहि साउन मसान्तसम्म टिम दर्ता गरिसक्नुपर्ने बताइएको छ। प्रतियोगिताको टिम दर्ता शुल्क आठ हजार कायम गरिएको छ।