राइजिङ्ग स्टार स्कुलको ७ औं वार्षिक खेलकुद उत्सब शुरु

धनगढी उप– महानगरपालिका वडा न. ६ मटियारीमा रहेको  राइजिङ्ग स्टार इङलिस बोर्डिङ स्कुलको ७ औं वार्षिक खेलकुद उत्सब २०८१ बुधवार शुरु भएको छ । बिद्यार्थीहरुको खेल प्रतिभा प्रोत्साहन गर्ने उदेश्यले आयोजित खेलकुद उत्सव माघ २२ गतेसम्म सँचालन हुनेछ ।

खेलकुद उत्सवमा विभिन्न विधाका खेलहरु खेलाइने छन् । खेलकुद उत्सवको  पहिलो दिन विद्यार्थी बीच मैत्रीपुर्ण क्रकेट खेल खेलाइएको थियो ।

कार्यक्रमका प्रमुख अतिथि सुदुरपश्चिम प्रदेश सरकारका आर्थिक मामिला  राज्यमन्त्री प्रकाश बहादुर बमले देशको पहिचान बानाउन खेलाडी उत्पादन गर्नुे आवश्यक रहेको बताए  ।

खेलले देशको पहिचान नै बिदेशमा फैलाउने बताउँदै आर्थिक मामिला राज्यमन्त्री बमले खेल क्षेत्रको बिकासमा बिद्यालयहरुले पुरयाइरहेको भुमिका महत्वपुर्ण रहेको बताए ।

अभिभावकहरुले आफ्ना बालबालिकाहरुलाई बिद्यालय पठाएर मात्र नहुने बताउँदै आर्थिक मामिला राज्यमन्त्री बमले आफ्ना बालबालिकाहरु कहा जान्छन्, के गर्छन् भनेर पनि ख्याल गर्नु पर्ने बताए ।

विद्यालयका प्रबन्ध निर्देशक कलेन्द्र शाहीको अध्यक्षतामा भएको उक्त कार्यक्रममा सुदुरपश्चिम प्रदेश सभा सदस्य शिव सिंह वली, प्रज्ञा प्रतिष्ठानका उपकुलपति डा. टिएन जोशी, नेपाल पुस्तक तथा स्टेशनरी व्यवसायी संघ कैलालीका अध्यक्ष भीम पडाल, भलमान्सा नगर समिती अध्यक्ष रोहित चौधरी, श्रीकृष्ण सामुदायिक वन समितीका अध्यक्ष इश्वरी बमले शुभकामान मन्तव्य व्यक्त गरेका थिए ।