धनगढी नगर प्याब्सनद्धारा बधाई तथा स्वागत : गुणस्तर सुधार र एकतामा जोड

धनगढी । निजी तथा आवासीय बिद्यालय अर्गनाइजेश नेपाल (प्याब्सन) धनगढी नगर कमिटीले प्याब्सनका केन्द्रिय, प्रदेश कमिटी र जिल्ला कमिटीमा  निर्वाचित  नेतृत्वmाई बधाई तथा स्वागत गरेको छ । प्याब्सनको १६ औं महाधिवेशन तथा प्रदेश र जिल्ला अधिवेशनबाट निर्वाचित धनगढी नगर कमिटी अन्तर्गतका सदस्यहलाई बिहीवार धनगढीमा  बधाई तथा स्वागत गरेको हो ।

धनगढी नगर प्याब्सनका अध्यक्ष ध्रुव बहादुर सिंहले  निर्वाचित नेतृत्वलाई  माला तथा खादा लगाएर सम्मान प्रकट गरेका थिए ।

सो अवसरमा वक्ताहरुले निजी बिद्यालय सँचालकहरुको एकता र शैक्षिक गुणस्तर सुधारमा जोड दिएका छन् ।

सो अवसरमा प्याब्सनका केन्द्रिय उपाध्यक्ष ललित राज पन्तले निजी बिद्यालयहरुले राज्य र समाजका सबै बर्गका व्यक्तिका बालबालिकाहरुलाई शिक्षा दिइरहेको भए पनि निजी बिद्यालयप्रतिको धारणा सकारात्मक बन्न नसकेको बताए । निजी बिद्यालयमा सबैका बालबालिका पढछन्,  निजी बिद्यालयमा बालबालिका पढाउनेहरुको निजी बिद्यालयप्रति नकारात्मकबिचार छ । केन्द्रिय उपाध्यक्ष पन्तले भने हामीले  निजी बिद्यालयको गुणस्तरमा अझै सुधार गर्दै कामले धारणा पविर्तनमा जोड दिनु पर्छ ।

प्याब्सनका सुदुरपश्चिम प्रदेश अध्यक्ष सि बी चन्दले निजी बिद्यालय संचालकहरु साझा मुद्धामा  बनाएर अघि बढेन आवश्यक रहेको बताए । सरकारले निजी बिद्यालयलाई बिभेद गर्न मिल्दैन । त्यसका लागि हामीले सामुहिक रुपमा दवाव बनाउनु पर्छ । प्रदेश अध्यक्ष चन्दले भने अब निजी बिद्यालय सँचालकहरु साझा मुद्धामा साझा धारण बनाएर अघि बढ्नु पर्छ । अरु बिषयमा फरक मत हुन सक्छ ।

प्याब्सनका केन्द्रियद सदस्य टोपेन्द्र शाहले  कैलाली प्याब्सनले बिगतदेखि नै राम्रो काम गरेको बताउँदै धनगढी नगर प्याब्सनले पनि सबैलाई एकताबद्ध गरेर संस्थागत कामहरु गर्न जरुरी रहेको बताए ।

प्याब्सनका पुर्व केन्द्रिय उपाध्यक्ष कैलाश दाहालले  निजी बिद्यालयहरु आर्थिक श्रोत बिद्यालयहरुको गुणस्तर कायम गरेर जुटाउनु पर्ने अवस्था भएकोले गुणस्तर सुधारमा सबै लाग्नु पर्ने बताए । पुर्व केन्द्रिय उपाध्यक्ष दाहालले तीन तहका सरकारले बनाउने कानुनहरु निजी बिद्यालयप्रति नकारात्मक हुन नदिन निजी बिद्यालय सँचालकहरु एकजुट हुनु पर्ने बताए ।

कैलाली प्याब्सनका वरिष्ट उपाध्यक्ष छत्रराज पण्डितले निजी बिद्यालयमा सकारात्मक गुण भएकै कारण अभिभावकको बिश्वासका कारण बिद्यार्थी संख्या बढ्दै गएको बताए । निजी बिद्यालयप्रति राज्यको धारणा अझै पनि सकारात्मक बन्न नसकेका कारण निजी बिद्यालय सँचालकहरु एक हुन आवश्यक रहेको वरिष्ट उपाध्यक्ष पण्डितले बताए ।

 धनगढी नगर प्याब्सनका अध्यक्ष ध्रुव बहादुर सिंहको अध्यक्षतामा भएको उक्त कार्यक्रममा स्वागत मन्तव्वय सहसचिव शान्ति भट्टले व्यक्त गरेकी थिइन् भने कार्यक्रम संचालन सचिव लोकेन्द्र बिष्टले गरेका थिए ।

प्याब्सनका हालैका अधिवेशनहरुबाट केन्द्रीय उपाध्यक्षमा  ललित राज पन्त, सुदरपश्चिम प्रदेश अध्यक्षमा सी बी चन्द,  केद्रिय सदस्यमा टोपेन्द्रबीर शाह, प्रदेश सह कोषाध्यक्षमा विक्रम शर्मा, प्रदेश सदस्यमा गोपाल शर्मा जिल्ला वरिष्ठ उपाध्यक्षमा छत्र राज पण्डित, जिल्ला सदस्यमा डिकेन्द्र जंग कुँवर र लोकराज पन्त, निर्वचित भएका छन् । प्याब्सन कैलालीको सल्लाहकारमा पुर्व केन्द्रिय सदस्य रामजी हमाल, पुर्व केन्द्रीय सदस्य दीपक सुरी, पुर्व केन्द्रीय सदस्य सीताराम बुढाथोकी मनोनयन भएका छन् ।