६ लेन सडकका दुई पुलको पटक–पटक म्याद थप, प्रगति निरासाजनक

धनगढी । त्रिनगर भन्सा अत्तरिया ६ लेन सडक अन्तरगत बन्ने दुई वटा पुल तीन पटक म्याद थप गर्दा पनि सम्पन्न हुन सकेका छैनन् ।

६ लेन सडकको बाँकी काम हेर्ने जिम्मा पाएको महाकाली पुल योजना कार्यालयका अनुसार मनहरा खोलाको पूल निर्माणमा बजेट अवभाका कारण गत आर्थिक बर्ष काम नै हुन सकेन । मोहना नदीमा बन्ने पुलको म्याद चैत मसान्त सम्म बाँकीनै रहे पनि यस बर्ष प्रयाप्त बजेट नआएको आयोजनाका इन्जिनियर सन्तोष ठकुरीले बताए । ६ लेन सडक अन्तरगत सुनिखोलाको पुल निर्माण भने सम्पन्न भई सञ्चालनमा आएको छ ।

दुई वटा पुलको भने तीन–तीन पटक सम्म म्याद थप गर्दा समेत निर्माण सम्पन्न हुन सकेको छैन । इन्जिनिरय ठकुरीका अनुसार मनहरा खोलाको पुलको म्याद असार महिनामा सकिएको छ ।

उच्चा कोटी÷शनि देव÷शाजेन्द्र श्वर जेभीले सो पुल निर्माणको ठेक्का पाएको थियो । १३ करोड १७ लाख ६३ रुपैयाँमा काम सम्पन्न गर्ने गरी ं२०७८ असोजदेखि २०८० भदौ मसान्तसम्म पुल निर्माणको ठेक्का सम्झौता भएको थियो । तर समयमै काम सम्पन्न नभएपछि २०८१ असार मसान्त सम्मका लागि पहिलो पटक म्याद थप गरिएको थियो । सो समयमा पनि पुल निर्माको काम सम्पन्न हुन सकेन । तेश्रो पटकका लागि २०८२ असार मसान्त सम्म पुल निर्माण सम्पन्न गर्न म्याद थप गरिएको थियो । गत बर्ष ठेकेदारले काम गरेपनि भुत्तानी दिन नसक्दा बाँकी काम रोकिएको इन्जिनिर ठकुरीले बताए । गत बर्ष डेढ करोड बजेट भुत्तानीको माग गरिएपनि विभागबाट बजेट नआएपछि पुलको ढलान गर्ने कार्य रोकिएको उनले बताए ।

६ लेन सडक अन्तरगत नै मोहना नदीको पुल निर्माण सम्म पन्न गर्न चैत मसान्त सम्म म्याद बाँकी रहेको छ । सो पुल रायमाझी कन्स्ट्रक्सन प्रालिलाई २०७८ असोजदेखि २०७९ फागुनसम्ममा पुल निर्माणका लागि ७८ करोड तीन लाख ३२ हजार रुपैयाँमा सम्पन्न गर्ने गरी सम्झौता भएको थियो । तर उक्त म्याद भित्र पुल निर्माण हुन नसक्दा २०८२ चैत २८ सम्म सम्पन्न गर्ने गरी तेश्रो पटक म्याद थप गरी म्याद थप गरिएको छ । तर चालु आर्थिक बर्षमा सो पुलका लागि पनि जम्मा ५० लाख मात्रै बजेट प्राप्त भएको छ । जुन बजेट निक्कै न्यून रहेको ठकुरी बताउँछन् । ६ लेन सडक खण्ड अन्तरगतकै सुनिखोला पुल निर्माणको का मभने सकिएको छ । राजेन्द्र निर्माण सेवाले ठेक्का पाएको सो पुल सञ्चालनमा आइसकेको इन्जिनियर ठकुरीले बताए ।