अमेरिकाका हर्मित सिंह सुदुरपश्चिम रोयल्सबाट खेल्ने

सुदूरपश्चिम रोयल्सले दोस्रो संस्करणको नेपाल प्रिमियर लिग (एनपीएल) क्रिकेटका लागि अमेरिकाका स्पीन बलिङ अलराउन्डर हर्मीत सिंहलाई अनुबन्ध गरेको छ ।

सामाजिक सञ्जाल मार्फत हर्मीतलाई निरन्तरता दिएको सुदुरपश्चिम रोयल्सले आइतबार सामाजिक सञ्जालमार्फत जानकारी दिएको होे ।

भारतबाट यु १९ विश्वकप जितिसकेका हर्मित  हाल अमेरिकाको सिनियर क्रिकेट टोलीबाट खेल्दै आएका छन् ।

३३ वर्षीय हर्मीतले एनर्पीलको पहिलो सिजमा पनि सुदुरपश्चिम रोयल्सबाट नै खेलेका थिए । पहिलो सिजनमा  ५ खेलमा ८ विकेट लिएका हर्मित सबै भन्दा कम इकोनोमीमा बलिङ गर्ने खेलाडी बनेका थिए ।

हर्मीतले  सुदुरपश्चिम रोयल्ससँगको आफ्नो अनुबन्धमा खुशी व्यक्त गरेका छन् । उनले भने, ‘म नेपाल प्रिमियर लिगमा फेरि एकपटक फर्किँदै छु । गत सिजनको अधुरो कामलाई यसपटक पूरा गर्ने छु । समर्थकहरूसँग छिट्टै भेट हुनेछ ।’

सुदूरपश्चिम रोयल्सका प्रमुख कार्यकारी अधिकृत (सीईओ) प्रकाश खड्काले हर्मीतको आगमनले टिम झनै बलियो बन्ने विश्वास व्यक्त गरे ।