अण्डर ८ अन्तर बिद्यालय क्रिकेट प्रतियोगिता आयोजना हुने

धनगढी ।  राइजिङ्ग स्टार इङ्गलिश बोर्डिङ्ग स्कुलले राइजिङ्ग स्टार प्रिमियर लिग  अन्तर बिद्यालय क्रिकेट प्रतियोगिता २०८२ को आयोजना गर्ने भएको छ । शिक्षा र  खेलकुदको सन्तुलित बिकासका लागि बिद्यार्थीहरुमा खेल भावना र प्रतिभा बिकास गर्न लिगको आयोजना गर्न लागिएको हो ।

प्रतियोगिता आगामी मंसिर १८ गतेदेखि सञ्चालन हुनेछ ।  ‘बिद्यालय स्तरमै खेल प्रतिभाको पहिचान,  बिद्यार्थीमा अनुशासन, समुह भावना र नेतृत्व क्षमता अभिबृद्धि गर्ने उदेश्य रहेको छ ।’  राइजिङ्ग स्टार इङ्गलिश बोर्डिङ्ग स्कुलका सञ्चालक कलेन्द्र शाहीले भने ‘त्यसका लागि सानैदेखि खेल भावनमा बिकास गर्न  ८ कक्षासम्मका बिद्यार्थीहरुको प्रतियोगिता आयोजना गर्दैछौं ।’

प्रतियोगिताका बिजेताले नगद ५० हजार, मेडल, ट्रफी र प्रमाणपत्र पाउनेछन् । त्यस्तै उपविजेताले  नगद २५ हजार, मेडल, ट्रफी,  प्रतियोगिताका उत्कृष्ट ब्याटर र बलरले  २,२ हजार नगद, ट्रफी  र मेडल, प्रतियोगिताका उत्कृष्ठ खेलाडीले २ हजार नगद, ट्रफी र मेडल, प्रत्येक खेलका म्यान अफ दी म्याचले आकर्षक ट्रफी पाउनेछन् ।

कृष्ण सामुदायिक बनको  खेलमैदानमा सचालन हुने प्रतियोगितामा कैलालीका कक्षा ८ सम्म सँचालित बिद्यालयहरुमा अध्ययनरत बिद्यार्थीहरुको सहभागिता रहने शाहीले बताए ।