प्रदेशको सुरक्षा प्रतिवेदन निर्माणको संयोजना आन्तरिक मामिला ताथ कानुन मन्त्रालयले गर्ने

धनगढी ।  धनगढीमा आयोजना हुने सुदुरपश्चिम प्रदेश स्तरिय सुरक्षा गोष्ठीमा प्रदेशको  तर्फबाट चार वटै सुरक्षा निकाय र प्रदेश निर्वाचन कार्यालयसँग समन्वय गरि  आन्तरिक मामिला ताथ कानुन मन्त्रालयले संयोजन गरिप्रस्तुत गर्ने  भएको छ ।

सुदुरपश्चिमका मुख्यमन्त्री कमल बहादुर शाहको प्रमुख आतिथ्यतामा बसेको   सुदूरपश्चिम प्रदेश सुरक्षा संयन्त्रको बैठकले सुदुरपश्चिम प्रदेशको समग्र शान्ति सुरक्षाको वस्तुगत अवस्था, समस्या र चुनौतीहरु, अपराध नियन्त्रण, सीमा सुरक्षा र आगामी फागुन २१ गते तोकिएको निर्वाचनका बारेमा प्रतिवेदन पेश गर्ने निर्णय गरेको मुख्यमन्त्रीका  प्रेस सल्लाहकार डम्मर बमले बताए ।

संघीय गृह मन्त्रालयले यही मंसिर १६ गते धनगढीमा प्रदेश स्तरिय सुरक्षा गोष्ठीको आयोजना गरेको छ ।

बैठकले  प्रदेश अन्तर्गत रहेका आपतकालीन गोदामघहरुको व्यवस्थापन प्रचलित कानुन बमोजिम हुने गरि अनुगमन तथा निरीक्षणका लागि चार वटै सुरक्षा निकायहरुको सहभागितामा आन्तरिक मामिला तथा कानुन मन्त्रालयले यथाशिघ्र अनुगमन तथा निरीक्षण टोली गठन गरि महिनामा एक पटक निरक्षणको व्यवस्था मिलाउने निर्णय समेत गरेको छ ।

आन्तरिक मामिला तथा कानुन मन्त्री हिरा सार्कीको अध्यक्षता बसेको धनगढी वडा नम्बर १३ धनगढी विमानस्थल परिसरभित्र रहेको प्रादेशिक आपताकालीन  गोदामघरको व्यवस्थापन प्रचलित कानुन बमोजिम गर्ने गरि सुरक्षा प्रवन्धका लागि मात्र आवश्यक जनशक्ति व्यवस्थापन गर्न सुदुरपश्चिम प्रदेश प्रहरी कार्यालय धनगढीलाई सिफारिश गर्ने निर्णय गरेको छ ।