बझाङको सैपाल आसपास केन्द्रविन्दु भएर आयो भुकम्पको

धनगढी  । बझाङको सैपाल आसपास केन्द्रविन्दु भएर आज (आइतबार) दिउसो भूकम्पको धक्का महसुस गरिएको छ । आज मध्यान्ह १२ बजेर ९ मिनेट जाँदा  बझाङको सैपाल हिमालमा केन्द्रविन्दु बनेर चार दशमलव चार रेक्टर स्केलको भूकम्प गएको भूकम्प मापन केन्द्र सुर्खेतले जनाएको छ ।

सैपाल हिमालमा केन्द्रविन्दु बनेर गएको भूकम्पले बाजुरामा पनि धक्का दिएको छ ।

भूकम्पको धक्का महसुस भएपछि सतर्कता अपनाउन जिल्ला प्रशासन कार्यालय बाजुराले सबैलाई आग्रह गरेको छ । विपद् कुनै बाजा बजाएर नआउने भएकाले भूकम्पसहितका प्राकृतिक विपद्बाट जोगिन सजग र सतर्कता अपनाउन प्रशासनले आग्रह गरेको छ ।