सुदूरपश्चिममा थप ३२ जनामा कोरोना पुष्टि

धनगढी

     सुदूरपश्चिम प्रदेशमा आज थप  ३२ जनामा कोरोना पुष्टि भएको    छ । धनगढी स्थित कोरोना परीक्षण प्रयोगशालामा ३१ र काठमाडौँमा एक गरी थप ३२ जनामा कोरोना पुष्टि भएको   हो ।

   आज थप पुष्टि भएकामा कैलालीका २१, डोटीका पाँच, कञ्चनपुर, बझाङ र अछामका दुई÷दुई जना रहेका छन् ।  कैलालीमा आज थप भएका २१ जना मध्ये १८ जना गौरीगंगा नगरपालिकामा रहेको पशुपती क्वारेन्टाइनमा रहेका छन् भने  दुई जना मोहन्या विश्व माविको क्वारेन्टिनमा रहेका छन् ।

    डोटीका ५ जना संक्रमित दिपायल सिलगढी नगरपालिका हुन् । यसैगरी अछाममा आज कोरोना पुष्टी भएका मेल्लेख गाउँपालिका वडा नम्वर ४ र ७ का २२ र २४ बर्षीय युवक रहेका छन् ।

     यसैगरी बझाङको थलारा गाउपालिकाकी –३ की १० बर्षीय किशोरी र खप्तडछान्ना ३  का ७० बर्षीय पुरुषमा आज कोरोना पुष्टि भएको छ । कञ्चनपुरमा शुक्लाफाँटा नगरपालिका १ र ९ का दुई जनामा कोरोना पुष्टि भएको हो । यो सँगै सुदूरपश्चिममा संक्रमितको संख्या तीन सय ७९ पुगेको छ ।