सुदूरपश्चिममा थप ६ जनामा कोरोना पुष्टि

      सुदूरपश्चिम प्रदेशमा आज थप ६ जनामा कोरोना पुष्टि भएको    छ । आज थपिएकामा कैलालीका ५ र कंचनपुरको एक जना रहेको सेती प्रादेशिक अस्पतालका सूचना अधिकारी दिलिप कुमार श्रेष्ठले बताए ।

      उनका अनुसार  कैलालीको टीकापुर नगरपालिका १९, २३, २५, २६ र ३५ बर्षीय पुरुष र कञ्चनपुरको बेलौरीका २२ बर्षीय पुरुषमा कोरोना पुष्टि भएको हो ।

    आज ६ जना थपिए संगै  सुदूरपश्चिम प्रदेशमा  संक्रमितको सङख्या एक सय ६४ पुगेको छ । अहिलेसम्म सबैभन्दा बढि कैलालीका ६० जना, कञ्चनपुरमा ३४, अछामका १६, डडेल्धुरामा १५, दार्चुलामा १२, डोटीका १०, बझाङमा ७, बैतडीमा ६ र बाजुराका तीन जनामा कोरोना पुष्टि भएको छ ।