कञ्चनपुरका तीन पालिकामा बेरुजु बढ्यो

धनगढी । कञ्चनपुरका तीन पालिकामा बेरुजु रकम बढेको छ । जिल्लाका अधिकांश पालिकाको बेरुजु रकम घटेको भएतापनि तीन पालिकाको भने २०७८÷२०७९ को भन्दा  २०७९÷२०८० मा बेरुजु बढेको हो । 

महालेखा परीक्षकको ६१ औँ प्रतिवेदन अनुसार भिमदत्त नगरपालिका, बेलडाँडी गाउँपालिका र लालझाडी गाउँपालिकाको बेरुजु बढेको हो । आर्थिक वर्ष २०७९÷०८०  मा  कञ्चनपुरका ६ पालिकाले २०७८÷०७९ को तुलानामा बेरुजु घटाएका छन् ।

प्रतिवेदन अनुसार २०७८÷०७९ मा कञ्चनपुरका ९ स्थानीय तहको बेरुजु रकम ३९ करोड ९६ लाख ३९ हजार पुगेको थियो । अहिले घटेर जिल्लाका सबै पालिकाको बेरुजु ३२ करोड ४२ लाख ७८ हजार पुगेको छ । 

सबैभन्दा बढी बेरुजु भिमदत्त नगरपालिकामा देखिएको छ । भिमदत्त नगरपालिकामा कुल परीक्षण गराएको ३ अर्ब ४२ करोड २९ लाख २७ हजार मध्ये १० करोड ७० लाख ५८ हजार अर्थात ३.१३ प्रतिशत बेरुजु देखिएको छ । २०७८÷०७९मा यस पालिकामा १० करोड १९ लाख ८२ हजार बेरुजु थियो ।

बेलडाँडी गाउँपालिकामा ८ अर्ब ३१ करोड २० लाख ९ हजारको लेखापरीक्षण गरिएकोमा २ करोड ६८ लाख ९१ हजार अर्थात ३.२४ प्रतिशत बेरुजु देखिएको महालेखाको प्रतिवेदनमा उल्लेख छ । २०७८÷०७९मा यस पालिकामा १ करोड २७ लाख २९ हजार बेरुजु देखिएको थियो । 

लालझाडी गाउँपालिकामा १० अर्ब १३ करोड ४ लाख २७ हजारको लेखापरीक्षण गरिएकोमा ४ करोड ४३ लाख ७५ हजार अर्थात ४.३८ प्रतिशत बेरुजु देखिएको छ । २०७८÷०७९ मा यस पालिकामा तीन करोड ७६ लाख ५४ हजार बेरुजु देखिएको थियो ।

सबैभन्दा कम पुर्नवास नगरपालिकाकोे छ । जहाँ एक अर्ब ७७ करोड ९ लाख ९७ हजारको परीक्षणमा एक करोड ४८ लाख ६६ हजार अर्थात ०.८४ प्रतिशत बेरुजु देखिएको छ । २०७८÷०७९ मा यस पालिकामा ७ करोड २० लाख ८ हजार बेरुजु देखिएको थियो ।

त्यस्तै दोधारा चाँदनी नगरपालिकामा १४ अर्ब १९ करोड ९९ लाख १ हजार लेखापरीक्षण गरिएकोमा १ करोड २० लाख २९ हजार अर्थात ०.८५ प्रतिशत बेरुजु रहेको छ । २०७८÷०७९ मा यस पालिकामा २ करोड १२ लाख ७३ हजार बेरुजु रहेको थियो । 

यस अघि सबैभन्दा बढी बेरुजु आएको भिमदत्त नगरपालिका पछि बढी बेरुजु आएको कृष्णपुर नगरपालिकाले यो वर्ष भने बेरुजु घटाएको छ । कृष्णपुर नगरपालिकामा परिक्षण गरिएको १ अर्ब ८० करोड ४६ लाख ६९ हजार मध्ये २.५६ प्रतिशत अर्थात ४ करोड ६२ लाख ४५ हजार बेरुजु देखिएको छ । २०७८÷०७९मा सबै भन्दा बढी कृष्णपुर नगरपालिकामा ९ करोड ६५ लाख ७९ हजार बेरुजु रहेको थियो । 

बेदकोट नगरपालिमा एक अर्ब ६० करोड ४९ लाख २७ हजार लेखापरीक्षण गरिएकोमा १ करोड ७७ लाख ८७ हजार अर्थात १.११ प्रतिशत बेरुजु देखिएको छ । २०७८÷०७९मा यस पालिकामा ४ करोड ९७ लाख ९५ हजार बेरुजु रहेको थियो । 

बेलौरी नगरपालिकामा १ अर्ब ६४ करोड ४७ लाख ६७ हजार लेखापरीक्षण गरिएकोमा ४ करोड १६ लाख ७५ हजार अर्थात २.५३ प्रतिशत बेरुजु देखिएको छ । २०७८÷०७९ मा यस पालिकामा ४ करोड ७६ लाख ४५ हजार बेरुजु रहेको थियो ।

शुक्लाफाँटा नगरपालिकामा १ अर्ब ५७ करोड ४२ लाख ९४ हजार लेखापरीक्षण गरिएको मध्ये १  करोड ३३ लाख ५२ हजार अर्थात ०.८५ प्रतिशत बेरुजु देखिएको छ । २०७८÷०७९ मा यस पालिकामा २ करोड ४७ लाख ७४ हजार बेरुजु देखिएको थियो । 

सार्वजनिक वित्तीय प्रशासनको प्रत्येक वर्ष बेरुजु बढ्दै जानु आर्थिक पालनाको स्थिति कमजोर रहेको महालेखा परीक्षकको कार्यालयले जनाएको छ ।

वित्तीय स्रोत व्यवस्थापन, बजेट तर्जुमा, कार्यान्वयन लेखाङ्कन र प्रतिवेदन प्रणालीमा सुधार गर्नु आवश्यक ६१ औँ वार्षिक प्रतिवेदनमा उल्लेख गरिएको छ ।

ऐन नियम अनुसार बजेट खर्च नहुनु, दबाबमा बजेट खर्च हुनु र आर्थिक अनुशासन कायम गर्न नसक्दा स्थानीय तहमा बेरुजु रकम बढ्दै गएको हो ।