कञ्चनपुरमा संक्रमितको संख्या ६ सय वढी

महेन्द्रनगर

  कञ्चनपुर जिल्लामा कोरोना भाइरस संक्रमित बिरामीको संख्या ६ सय २१ पुगेको छ । स्वास्थ्य कार्यालय कञ्चनपुरका अनुसार जिल्लामा संक्रमित रहेका कोरोना बिरामी मध्ये ५ सय ८५ जना बिरामी निको भई घर गएका छन् । यस्तै ३६ जना कोरोना संक्रमित बिरामीको भने अहिले उपचार भैरहेको छ ।

  स्वास्थ्य कार्यालयका अनुसार हालसम्म पुष्टी भएका मध्य भीमदत्त नगरपालिकामा ७८ मध्य ६३ जना भने निको भएर घर गएका छन् भने १५ सक्रिय संक्रमित रहेका छन् ।

  यसैगरी माहाकाली नगरपालिकाका कुल ५२ जना मध्य सवै संक्रमित निको भएर घर गएका छन् । बेतकोट नगरपालिकामो ७३ जना मध्य ६४ जना संक्रमण मुक्त भएर घर गएका छन् भने सक्रिय संक्रमितको संख्या ९ रहेको छ ।

  शुक्लाफाँटा नगरपालिकामा ७२ मध्य ७१ संक्रमण मुक्त भएका छन् भने १ जनाको उपचार भैरहेको छ । जिल्लाको कृष्णपुर नगरपालिकामा १ सय ६८ संक्रमित मध्य १ सय ६६ जना संक्रमण मुक्त भएर घर गएका छन् भने सक्रिय संक्रमितको संख्या दुई जना रहेको स्वास्थ्य कार्यालय कञ्चनपुरका कोरोना फोकल पर्सन शिद्धराज भट्टले जानकारी दिएका छन् ।

  यस्तै पुर्नवास नगरपालिकामा रहेका ७४ संक्रमित मध्ये ७२ जना संक्रमण मुक्त भएर घर फर्केका छन् भने २ जना सक्रिय संक्रमित छन् ।

  बेलौरी नगरपालिकाका ५५ मध्य ५० जना संक्रमण मुक्त भएकोमा ५ जना सक्रिय संक्रमित रहेका कोरोना फोकल पर्सन बताए । उनका अनुसार बेलडाँडी गाउँपालिकामा पुष्टी भएका २८ संक्रमित मध्य २६ जना संक्रमण मुक्त भएकोमा २ जना बिरामीको उपचार भैरहेको छ, लालझाडी गाउँपालिकामा २१ मध्य सबै संक्रमण मुक्त भएर घर गएका छन् ।