बाजुरामा आईसोलेसनमा मृत्यु भएकी बालिकामा कोरोना पुष्टि

हिमाल जोशी धनगढी,१८ जेठ बाजुराको जिल्ला अस्पताल आइसोलेसनमा राखिएको बालिकाको मृत्यु कोरोनाबाट भएको पुष्टि भएको छ । बुढिगंगा १ घर भएका २ बर्षिय बालिकाका आईतवार बिहान मृत्यु भएको थियो । उनको सेति प्रादेशिक प्रयोगशालमा स्वाब संकलन गरि पठाएको थियो । आईतवार दिउँसो आएको रिपोटमा उनको कोरोनाका कारणले मृत्यु भएको शुदुरपश्चिम स्वास्थ्य निर्देशानलयले जनाएको छ । मृतक बालिकाकि २३ बर्षिय आमालाई पनि कोरोना पुष्टि भएको छ । संक्रमित आमालाई पनि सदरमुकाम मार्तडीमा रहेको जिल्ला अस्पतालको आइसोलेसनमा राखिएको छ । बुवाको रिपोट भने नेगेटिभ आएको छ । मृतक वालिका आमा र बुवालाई जेठ १५ गते आइसोलेसनमा राखिएको थियो । तिनै जनाको स्वाब धनगढी पठाईएको थियो । बुढिगंगा नगरपालिका १ धुरालसैनमा माबिको आइसोलेसनमा राखिएकी बालिकाकोअबस्था जटिल भएपछि सदरमुकाम मार्तडीमा रहेको आइसोलेसनमा जेठ १५ गते साझँ राखिएको थियो । ८ दिन अगाडी उनको परिवार भारत बाट आएका थिए ।