कृषिमा पुरानै कार्यक्रमलाई निरन्तरता

धनगढी

    सुदूरपश्चिम प्रदेश सरकारले सोमबार सार्बजनिक गरेको आगामी आर्थिक बर्षको बजेटमा अधिकांश पुरानै कार्यक्रमलाई निरन्तरता दिईएको छ । पुरानै कार्यक्रमको निरन्तरता एबं थप बिस्तारमा बजेट बिनियोजन गरिएको छ ।

  कोरोना संक्रमणका कारण स्वदेश तथा बिदेशमा बेरोजगार भएकालाई कृषि क्षेत्रमा सामान्य सहयोग गर्ने वाहेक बजेटमा खासै नयाँ कार्यक्रम ल्याएको छैन । प्रदेश सरकारले यस अघिल्लै बर्षको नमुना कृषि गाउँ आफै बनाउँ’ भन्ने अभियानका साथ मुख्यमन्त्री एकिकृत कृषि तथा पशुपन्छी विकास कार्यक्रमलाई थप बिस्तार गर्ने भएको छ ।

    सोमबार प्रस्तुत गरिएको प्रदेश सरकारको आगामी आर्थिक बर्षको बजेटमा यस कार्यक्रमलाई थप बिस्तार गर्नका लागि ६० करोड बजेट छुट्याईएको छ । कारोना संक्रमणका कारण स्वदेश तथा बिदेशमा राजगारी गुमाएका नागरिकलाई लक्षित गरि कृषि तथा पशुपंक्षी विकास कार्यक्रम मार्फत स्वरोजगार बनाउन १५ करोड बिनियोजन गरिएको छ ।

  प्राकृतिक प्रकोपबाट कृषि तथा पशुपंक्षि क्षेत्रमा हुने हानी नोक्सानी कम गर्न पशुधन विमाको प्रिमियममा अनुदानका लागि ६ करोड छुट्याईएको छ ।

  कंचनपुरको पुर्नवास नगरपालिका, कैलालीको भजनी नगरपालिका, चुरे गाउँपालिका, डडेल्धुराको आलिताल गाउँपालिका, बैतडीको दशरथ चन्द्र नगरपालिका, दार्चुलाको महाकाली नगरपालिका, डोटीको दिपायल–सिलगढी नगरपालिका, जोरायल गाउँपालिका, बाजुराको बडिमालिका नगरपालिका र अछामको साफँबगर नगरपालिका कोल्ड च्याम्बर निर्माणका लागि  ६ करोड बिनियोजन गरिएको छ ।

यसैगरी एक स्थानिय तह, एक कृषि उपज उत्पादन’ कार्यक्रम अन्र्तगत कृषि ब्यबसाय संचालन गर्न र उत्पादित कृषि उपज भण्डारणका लागि भवन निर्माण गर्न सहकारीहरुलाई ८ करोड ९० लाख अनुदान  दिने बजेटमा उल्लेख छ ।

  कृषि संगै कृषि बिद्यार्थी कार्यक्रम संचालन गरि कृषि अध्ययन संगै आयआर्जन तथा प्रसारलाई थप टेवा प्रदान गर्न १ करोड बिनियोजन गरिएको छ । जसमा टीकापुर कृषि क्याम्पस, गोकुलेश्वर कृषि क्याम्पस तथा अन्य कृषि क्याम्पस समन्वय एबं साझेदारीमा अनुसन्धान, प्रसार र विकास कार्यक्रम संचालन गर्ने प्रस्ताव गरिएको छ ।

  यी वाहेक भैशीपालन, कुखुरा पालन, माछापालन, घाँस खेति लगायतमा पनि विगतका बर्षहरुमा झै बजेट बिनियोजन गरिएको छ ।