बझाङको बुगलमा पहिरोमा पुरिएर ४ को मृत्यु

धनगढी  ।  बझाङको बुङ्गल नगरपालिका–१ स्थित टुमेडा गाउँमा सोमबार राति पहिरो जाँदा चार जनाको मृत्यु भएको छ । सोमबार राति अविरल बर्षापछि गएको पहिरोका कारण उनीहरुको मृत्यु भएको हो ।

मृत्यु हुनेमा बुङ्गल–१ का टुमेडाका काली धामी, गोल्की धामी, आकृति धामी, लक्ष्मी धामी रहेको सहायक प्रमुख जिल्ला अधिकारी सत्यकुमारी जोशीले जानकारी दिइन् ।

‘पहिरोले घर पुरिँदा चार जनाको मृत्यु भएको छ’ सहायक प्रजिअ जोशीले भनिन, ‘चार जनाको मृत्यु भएको र ६ जनाको जीवितै उद्धार गरिएको खबर छ, हामी राहत सामग्री लिएर प्रभावित क्षेत्रमा जाँदैछौँं ।’

पहिरोमा परी पुरिएका चार शव स्थानीय र प्रहरीको टोलीको सक्रियतामा बिहान निकालिएको छ । पहिरोमा पुरिएका अन्य ६ जनाको जीवितै उद्धार गरिएको छ ।

वीरबहादुर धामी, उज्जल धामी, रोशन धामी, कमला धामी, अम्बादत्र् जोशी र शान्ति धामीको जीवितै उद्धार गरिएको हो ।